Ratnagiri News: विहिरीत मृतावस्थेत आढळला कोल्हा! ग्रामस्थांना उलट्या, ताप आणि पोटदुखीच्या समस्या

विहिरीत मृतावस्थेत कोल्हा आढळल्याने गावकरांच्या आरोग्यावर त्याचा परिणाम झाला आहे. अनेकांना उलट्या, ताप आणि पोटदुखीच्या समस्यांना सामोरे जावे लागत आहे.

• गुहागर तालुक्यातील झोंबडी काजळीवाडी येथील विहिरीत मृतावस्थेत आढळला कोल्हा
• गावकरांच्या आरोग्यावर परिणाम
• निर्जंतुकीकरण करून पाण्याची तपासणी सुरू

गुहागर तालुक्यातील झोंबडी काजळीवाडी येथे पिण्याच्या पाण्याच्या विहिरीत एक कोल्हा पडून मृत अवस्थेत आढळला. बराच काळ मृतदेह पाण्यात राहिल्यामुळे तो पूर्णपणे सडू लागला असून त्याला किडे व जंतूही पडले होते. त्यामुळे विहिरीचे पाणी पूर्णपणे दूषित झाले असून परिसरात तीव्र दुर्गंधी पसरली आहे.

हेच पाणी ग्रामस्थ पिण्यासाठी वापरत असल्याने ताप, उलट्या, जुलाब आणि पोटदुखीची लक्षणे दिसू लागली आहेत. गंभीर आजारांचा धोका निर्माण झाल्याने गावात भीतीचे वातावरण पसरले होते.

Ahilyanagar News: लाडकी बहीण योजना सुरूच राहणार! अहिल्यानगर दक्षिण आढावा बैठकीत रवी अनासपुरे यांचे वक्तव्य

ग्रामपंचायतीची तात्काळ धाव

घटनेची माहिती मिळताच झोंबडी ग्रामपंचायतीचे सरपंच अतुल लांजेकर, उपसरपंच प्रणाली पवार, सदस्या मयुरी लांजेकर, ग्रामसेवक गोरख सोनवणे, दिपक गायकवाड आणि आशा साक्षी सरदेसाई यांनी त्वरित घटनास्थळी भेट देऊन परिस्थितीचा आढावा घेतला. ग्रामस्थांना सोबत घेऊन विहिरीच्या स्वच्छतेचे काम युद्धपातळीवर सुरू करण्यात आले.

गटविकास अधिकारी शेखर भिल्लारे आणि कार्यकारी अभियंता दिप्ती धारप यांच्याशी संपर्क साधल्यानंतर सहाय्यक अभियंता गिरीश पापरकर व पवार यांनीही ठिकाणी भेट देऊन पाहणी केली. मृत कोल्हा बाहेर काढून विहिरीची स्वच्छता, निर्जंतुकीकरण आणि पाण्याची प्रयोगशाळा तपासणी तात्काळ सुरू करण्यात आली आहे.

Nashik Crime: नाशिक हादरलं! एकाच कुटुंबातील चार जणांचे सापडले मृतदेह, आत्महत्येचा संशय

ग्रामस्थांसाठी आरोग्य तपासणी शिबिर

संभाव्य साथरोगाचा धोका लक्षात घेऊन वैद्यकीय अधिकारी डॉ. सुप्रीम कांबळे, कळवली आरोग्य केंद्रातील वैभव जाधव व मदन जानवळकर यांच्या उपस्थितीत काजळीवाडी येथे तात्काळ आरोग्य तपासणी कॅम्प आयोजित करण्यात आला. ग्रामस्थांच्या आरोग्याची सतत निगराणी करण्यात येत आहे.

सरपंच अतुल लांजेकर स्वतः प्रत्यक्ष उपस्थित राहून ग्रामस्थांची काळजी घेत आहेत. या कामात सुरेश पालशेतकर, शैलेश सावर्डेकर, नंदेश सावर्डेकर, संतोष शिरकर, महेंद्र पालशेतकर, स्वप्नील आंबोवकर, गणेश पालशेतकर, देवदास पालशेतकर, केशव शिरकर, आशिष सावर्डेकर, उत्कर्ष सेवा मंडळ आणि स्थानिक ग्रामस्थ मोठ्या संख्येने सहकार्य करत आहेत.