International Award : सद्गुरू डॉ. मंगेशदा यांचा लंडनमध्ये आंतरराष्ट्रीय पुरस्काराने सन्मान, भारताचा शिरपेचा मानाचा तुरा

International Award : सद्गुरू योगीराज डॉ. मंगेशदा यांना 'विश्व लीडर डॉ. बी. आर. आंबेडकर आंतरराष्ट्रीय पुरस्कार 2026' प्रदान करण्यात आला आहे. लंडनमध्ये पार पडलेल्या सोहळ्यात मान्यवरांच्या हस्ते हा गौरव करण्यात आला.

• भव्य सोहळ्यात मान्यवरांची उपस्थिती
• लंडन येथे पार पडला सोहळा
• एकता अन् एकात्मतेचा संदेश

 

सद्गुरू मंगेशदा क्रिया योग फाऊंडेशनचे संस्थापक सद्गुरू योगीराज डॉ. मंगेशदा यांना ‘विश्व लीडर डॉ. बी. आर. आंबेडकर आंतरराष्ट्रीय पुरस्कार 2026’ (International Award) प्रदान करण्यात आला आहे. लंडनमध्ये नुकताच हा पुरस्कार सोहळा पार पडला.
समाजसेवेच्या क्षेत्रात केलेल्या नाविन्यपूर्ण आणि उल्लेखनीय कार्यासाठी त्यांना हा पुरस्कार प्रदान करण्यात आला. जगभरातील अनेक मान्यवरांना हा पुरस्कार प्रदान करून गौरविण्यात आले. या भव्य पुरस्कार सोहळ्याला देश-विदेशातील अनेक मान्यवरांची उपस्थिती लाभली.
यामध्ये विश्व लीडर टेकमीडियाचे संचालक शिरीष बी. रामटेके, मेफेअरचे बॅरन तसेच यूके संसदेच्या हाऊस ऑफ लॉर्ड्सचे सदस्य लॉर्ड रामी रेंजर, ब्रिटिश-भारतीय उद्योगपती व सामाजिक कार्यकर्त्या डॉ. कृष्णा पुजारा, माजी आमदार विजयभाई गिरकर, पद्मश्री डॉ. कल्पना सरोज यांच्यासह विविध क्षेत्रांतील अनेक मान्यवर व प्रतिष्ठित पाहुणे उपस्थित होते.

 

एकता अन् एकात्मतेचा संदेश

हा पुरस्कार स्वीकारताना डॉ. मंगेशदा म्हणाले, महान डॉ. बाबासाहेब आंबेडकर यांचे जे स्वप्न होते ‘एकता आणि एकात्मता’ ते आपण सर्वांनी एकत्र येऊन हा प्रवास असाच पुढे सुरू ठेवला तरच शक्य आहे. यावेळी त्यांनी कार्यक्रमाच्या आयोजकांचेही आभार मानले.

गेली अनेक दशके सद्गुरू डॉ. मंगेशदा यांनी क्रियायोगाचे संशोधन, योगशास्त्राचा शास्त्रीय दृष्टिकोन आणि योगाचा प्रसार यासाठी अथक कार्य केले आहे. लहान मुलांपासून ज्येष्ठांपर्यंत योगशास्त्र पोहोचविण्यासोबतच विविध समाजोपयोगी उपक्रमांच्या माध्यमातून मानवता, नि:स्वार्थ प्रेम आणि क्षमाशीलतेचा संदेश ते देत आहेत.

Maharashtra Drought : राज्यातील दुष्काळावर केंद्रीय कृषीमंत्री अॅक्शन मोडवर, ‘या’ दिवशी केंद्रीय पथक महाराष्ट्रात येणार

विविध पुरस्कारांनी सन्मानित

त्यांच्या या उल्लेखनीय कार्याची यापूर्वीही अनेक राष्ट्रीय आणि आंतरराष्ट्रीय पुरस्कारांनी दखल घेतली आहे. मॉरिशस येथे ‘योग शिरोमणी’ या प्रतिष्ठित आंतरराष्ट्रीय पुरस्काराने त्यांना सन्मानित करण्यात आले. इंडोनेशियातील बाली येथे ‘ग्लोबल इंडियन अचिव्हर अवॉर्ड’, तसेच ए. पी. जे. अब्दुल कलाम अवॉर्ड, लंडनमधील हाऊस ऑफ कॉमन्समध्ये ‘महात्मा गांधी अहिंसा सन्मान’, इंडो-व्हिएतनाम अवॉर्ड, योग रत्न पुरस्कार आणि इंटरनॅशनल आयकॉनिक अवॉर्ड यांसह अनेक पुरस्कारांनी त्यांना गौरविण्यात आले आहे. ‘आय प्लेज, वी प्लेज’ अभियानाच्या माध्यमातून मरणोत्तर नेत्रदानाबाबत जनजागृती करण्याचे कार्यही त्यांनी केले आहे.

Maharashtra Drought: जावळीचा Trigger-1 मध्ये समावेश करा; दुष्काळी सवलतींसाठी शिवसेनेची मागणी

‘विश्व लीडर डॉ. बी. आर. आंबेडकर आंतरराष्ट्रीय पुरस्कार २०२६’ हा त्यांच्या प्रदीर्घ समाजसेवा, योगप्रसार आणि मानवकल्याणाच्या कार्यातील आणखी एक मानाचा टप्पा ठरला आहे. योग, सामाजिक बांधिलकी आणि मानवतेचा संदेश जगभर पोहोचविणाऱ्या सद्गुरू डॉ. मंगेशदा यांच्या कार्याचा लंडनमध्ये झालेला हा सन्मान निश्चितच त्यांच्या शिष्यांसाठी आणि त्यांच्या कार्याशी जोडलेल्या सर्वांसाठी अभिमानाची बाब आहे.