आखाती देशांमध्ये सुरू असलेल्या युद्धपरिस्थितीचा परिणाम भारताच्या इंधन पुरवठा साखळीवर होत असून, त्याचा फटका घरगुती गॅस सिलेंडर वितरणालाही बसला आहे.
बुकिंग न करताही सिलिंडर वितरित झाल्याचे प्रकार
ग्राहकांच्या नावावर बुकिंग न करताही सिलेंडर वितरित झाल्याचे प्रकार उघड होत असल्याचा आरोप आहे. काही ग्राहकांकडे एक, तर काहींकडे दोन कनेक्शन असून वर्षाला 24 सिलेंडरची मर्यादा असताना प्रत्यक्ष वापर केवळ 10 ते 15 सिलेंडरपर्यंतच असल्याचे दिसते. उर्वरित सिलेंडर एजन्सी धारकांकडून काळ्या बाजारात हॉटेल व्यावसायिक किवा व्यावसायिक वाहनांसाठी विकले जात असल्याचा संशय व्यक्त केला जात आहे.
सखोल चौकशीतून गैरव्यवहार उघडकीस येण्याची शक्यता
विशेष म्हणजे, अनेक ग्राहकांनी डिसेंबरनंतर गॅस बुकिंग केलेले नसतानाही त्यांच्या नावावर सिलेंडर वितरित झाल्याची शक्यता वर्तवली जात आहे. सध्या नवीन बुकिंग नाकारली जात असल्याने या गैरप्रकारांना अधिक बळ मिळाल्याचे नागरिकांचे म्हणणे आहे. या पार्श्वभूमीवर जिल्ह्यातील सर्व गॅस एजन्सींचे गेल्या तीन वर्षांचे सखोल ऑडिट करण्यात यावे, अशी जोरदार मागणी होत आहे. या चौकशीतून मोठ्या प्रमाणावर गैरव्यवहार उघडकीस येण्याची शक्यता वर्तवली जात आहे.
88 जिल्ह्यात निर्माण झालेला गॅस तुटवडा हा केवळ युद्धामुळे नसून त्यामागे मोठा गैरव्यवहार दडलेला असण्याची शक्यता आहे. अनेक ग्राहकांच्या नावावर बुकिंग न करता सिलेंडर विकले जात असल्याचा संशय आहे. त्यामुळे सांगली जिल्ह्यातील सर्व गॅस एजन्सींचे गेल्या तीन वर्षाचे ऑडिट तातडीने करणे गरजेचे आहे. राज्य सरकारनेही या प्रकरणात लक्ष घालून दोषींवर कठोर कारवाई करावी.
-सतीश साखळकर, नागरिक जागृती मंच,
सांगली जिल्हा
.png "Videos"){kind=small}
