Tata Group Clash: टाटा समूहातील वाद चिघळला? शरद पवारांची एन्ट्री, महत्त्वाच्या मुद्द्याकडे वेधलं लक्ष, म्हणाले…

Tata Group Clash: टाटा सन्सचे अध्यक्ष एन. चंद्रशेखरन यांच्या फेरनियुक्तीवरून टाटा सन्सचे संचालक मंडळ आणि टाटा ट्रस्ट्स यांच्यात निर्माण झालेल्या मतभेदांवर राष्ट्रवादी काँग्रेस (शरद पवार) पक्षाचे अध्यक्ष शरद पवार यांनी भूमिका मांडली आहे.

Updated On: Sep 23, 2026 | 06:54 PM
फोटो सौजन्य सोशल मिडिया

फोटो सौजन्य सोशल मिडिया

Follow Us
Follow Us:
  • टाटा समूहाची मालकी एका व्यक्तीच्या हितासाठी नसून ती ….
  • काय म्हणाले शरद पवार ….
  • टाटा समूहाचे महाराष्ट्रासाठी काय  योगदान

Tata Group Clash: टाटा सन्सचे अध्यक्ष एन चंद्रशेखरन यांच्या फेरनियुक्तीवरुन आणि टाटा सन्सच्या आयपीओ प्रक्रियेवरुन टाटा सन्सचे संचालक मंडळ आणि टाटा ट्रस्टस मध्ये मोठा वाद निर्माण झाला आहे. या वादात राष्ट्रवादी काँग्रेस ( शरद पवार ) चे अध्यक्ष शरद पवार यांनी आपली भूमिका स्पष्ट केली आहे. त्यांनी एक्स अकांऊट वर टाटा समूहाच्या वादावर आपलं मत मांडल आहे, व सविस्तर पत्र जाहिर केलं आहे.टाटा ट्रस्टने दिलेल्या निवेदनानुसार कंपनीच्या नियमावलीतील (एओए) अटींनुसार ट्रस्टच्या नामनिर्देशित संचालकांचा बहुमताने पाठिंबा मिळणे अनिवार्य आहे.

या मध्ये दोन संचालकांपैकी बहुमत म्हणजे दोघांची सहमती, एकाची नाही. त्यामुळे ही अट पूर्ण न झाल्याने हा ठराव पूर्णपणे बेकायदेशीर ठरतो. असे टाटा ट्रस्टने स्पष्ट केले. बोर्डातील एकूण ४-१ हे मतदान निरर्थक आहे, कारण या नियमावलीतील महत्वाच्या अटींची पूर्तता झालेली नाही.

नोएल टाटा यांच्या विरोधामुळे कोणतही कोंडी निर्माण झाली नव्हती, यावर अध्यक्षांच्या कास्टिंग व्होटचा वापर केला जाऊ शकेल.

टाटा समूहाची मालकी एका व्यक्तीच्या हितासाठी नसून ती समाजाच्या हितासाठी

१७ सप्टेंबर रोजी टाटा सन्सच्या बोर्ड बैठकीत एन. चंद्रशेखरन यांना पुन्हा ५ वर्षांसाठी अध्यक्षपद देण्यात आले, हा प्रस्ताव ४-१ या बहुमताने मंजूर करण्यात आला. या प्रस्तावा विरोधात टाटा ट्रस्टचे अध्यक्ष नोएल टाटा यांनी मत दिले होते. या प्रस्तावाला राष्ट्रवादी काँग्रेसचे अध्यक्ष शरद पवार यांनी आपले मत स्पष्ट केले आहे. टाटा समुहाची उभारणी ही जमशेदजी टाटा, सर दोराबजी टाटा आणि पुढे सर रतन टाटा यांनी अतिशय मेहनतीने उभी केली, टाटा समूहाची मालकी ही एका व्यक्तीच्या मालकीची नसून ती समाजाच्या हितासाठी उभी केली आहे.
टाटा सन्सची ६६% भागीदारी लोककल्याणकारी ट्रस्ट कडे असून यातून जो मिळणारा लाभ आहे, तो आरोग्य, शिक्षण आणि संशोधनासाठी त्याचा वापर केला जातो. या मुळे टाटा ट्रस्टची रचना आणि अधिकार अबाधित राखणे गरजेचे आहे.टाटा समूहाचा हा वाद कोर्टात जाण्या ऐवजी संवादाच्या माध्यमातून सोडवला गेला पाहिजे, असा सल्ला शरद पवारांनी दिला आहे.

 

काय म्हणाले शरद पवार ….

जमशेदजी टाटा आणि टाटा कुटुंब हे  उद्योग क्षेत्रा बरोबर समाजसेवेची मूल्याधिष्ठित दिशा दिली आहे. या मुळे टाटा ट्रस्टची सामाजिक बांधिलकी आणि संस्थात्मक भूमिका जपली पाहिजे. टाटा समूहाच्या नेतृत्वाबाबत निर्णय होताना संस्थात्मक प्रक्रिया आणि ट्रस्टच्या भूमिकेचा आदर करणं सुद्धा गरजेचे आहे.कारण महाराष्ट्राच्याच नव्हे तर देशाच्या विकासासाठी आणि समाज जीवनाशी निरंतर जोडलेला ‘टाटा समूहा’चा वारसा जपणं गरजेचं आहे.

टाटा समूहाचे महाराष्ट्रासाठी योगदान काय

टाटा उद्योग समूहाने टाटा मेमोरियल हॉस्पिटल, TIFR, TISS सारख्या राष्ट्रीय संस्था महाराष्ट्रासाठी उभारल्या आहेत. या संस्थेची स्वायत्तता आणि संस्थात्मक मूल्ये लक्षात घेता, त्याचे सामाजिक भान जपणे ही सर्वांची सामूहिक जबाबदारी आहे.  असे शरद पवारांनी आपल्या एक्स अकांऊट मध्ये नमूद केले आहे. 

Web Title: Sharad pawar tata group dispute tata trusts n chandrasekaran maharashtra contribution

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Sep 23, 2026 | 06:54 PM

Topics:  

संबंधित बातम्या

Tata Group ची कमान पुन्हा N Chandrasekaran यांच्याकडे! मात्र नोएल टाटांचा विरोधात कौल, शेअर बाजारात धुमाकूळ
1

Tata Group ची कमान पुन्हा N Chandrasekaran यांच्याकडे! मात्र नोएल टाटांचा विरोधात कौल, शेअर बाजारात धुमाकूळ