फोटो- (istockphoto)
ठाणे: बदलापूर येथील शाळेत लहान मुलींवर लैंगिक अत्याचाराची दुर्दैवी घटना घडली होती. बदलापूरच्या घटनेनंतर संपूर्ण राज्यभरात संतापाची लाट उसळली असून आरोपीला कठोरात कठोर शिक्षा व्हावी, यासाठी बदलापूरकर रस्त्यावर उतरले होते. दरम्यान या प्रकरणात शाळेचे संस्थाचालक, सचिव आणि फरार आरोपी यांना आता पोलिसांनी अटक केली आहे. बदलापूरच्या घटनेनंतर संपूर्ण राज्यभरात संतापाची लाट उसळली असून आरोपीला कठोरात कठोर शिक्षा व्हावी, यासाठी बदलापूरकर रस्त्यावर उतरले होते. दरम्यान या प्रकरणात शाळेचे संस्थाचालक, सचिव आणि फरार आरोपी यांना पोलिसांनी ताब्यात घेतले आहे.
बदलापूर येथील शाळेत लहान मुलींवर लैंगिक आत्याचाराची दुर्दैवी घटना घडली होती. हे प्रकरण दडपण्याचा प्रयत्न केल्याप्रकरणी शाळेचे ट्रस्टी तुषार आपटे आणि उदय कोतवाल यांच्यावर गुन्हा दाखल करण्यात आला आहे. घटना घडल्यापासून जवळपास महिन्याभराने शाळेचे ट्रस्टी तुषार आपटे आणि उदय कोतवाल यांना पोलिसांनी अटक केली आहे. दरम्यान या प्रकरणातील मुख्य आरोपी असलेला अक्षय शिंदे याचा काही दिवसांपूर्वी एनकाऊंटर करण्यात आला होता. बदलापूर प्रकरणात स्थापन करण्यात आलेल्या एसायटीने या ट्रस्टींना ताब्यात घेतल्याचे समजते आहे. या प्रकरणात पोक्सो अंतर्गत गुन्हा दाखल झाला आहे. त्यामुळे आता या प्रकरणात पुढे काय होते पहावे लागणार आहे.
हायकोर्टाने फेटाळला होता अटकपूर्व जामीन
बदलापूर येथे एक शाळेत लहान मुलींवर लैंगिक अत्याचार करण्यात आला होता. या प्रकरणी शाळेचे संस्थाचालक आणि सचिव यांच्यावर गुन्हा दाखल करण्यात आला आहे. तसेच या प्रकरणात या फरार आरोपींनी अटकपूर्व जामीन मिळावा यासाठी मुंबई हायकोर्टात धाव घेतली होती. दरम्यान यावर सुनावणी करताना मुंबई हायकोर्टाने फरार आरोपींचा अटकपूर्व जामीन फेटाळला होता. पुरावे नष्ट करण्याचा प्रयत्न करत असताना घटना दडपण्याचा प्रयत्न केल्याचा आरोप त्यांच्यावर करण्यात आला आहे.
बदलापूर येथील शाळेचे संस्थाचालक आणि सचिव यांनी अटकपूर्व जामिनासाठी हायकोर्टात याचिका केली होती. हे प्रकरण जामीन देण्यास योग्य नाही आहे. घटना अतिशय संवेदनशील आहे. तसेच पोलिसांना तपासात सहकार्य करण्याऐवजी आरोपी बनवताच हे आरोपी फरार झाले आहेत. त्यामुळे या प्रकरणात जामीन देता येणार नाही असे म्हणत हायकोर्टाने आरोपींचा अटकपूर्व जामीन फेटाळला होता. सत्र न्यायालयाने देखील सहआरोपींचा अटकपूर्व जामीन फेटाळला होता.
हेही वाचा: मोठी बातमी! बदलापूर प्रकरणातील आरोपींना हायकोर्टाचा दणका; अटकपूर्व जामीन फेटाळला
मुख्य आरोपीचा एनकाऊंटर
बदलापूर येथे शाळकरी मुलींवर अत्याचार करण्यात आल्याचे प्रकरण समोर आले आहे. या प्रकरणातील मुख्य आरोपी अक्षय शिंदेची रवानगी पोलीस कोठडीत करण्यात आली. याचदरम्यान बदलापूर अत्याचार प्रकरणातील प्रमुख आरोपी अक्षय शिंदे यानं पोलिसांच्या बंदुकीतून स्वतःवर गोळी झाडून घेतली आहे. पोलीस त्याला ट्रान्सिट रिमांडसाठी नेत असताना त्यानं पोलिसांवर गोळ्या झाडण्याचा प्रयत्न केला आहे. त्यानंतर पोलिसांनी स्ववसंरक्षणासाठी त्याच्यावर गोळ्या झाडल्या. दरम्यान आता उल्हासनगरमध्ये अक्षय शिंदेचे शव दफन करण्यात आले आहे.
