कल्याण : एपीएमसी मार्केट परिसरात काही दरोडेखोर दरोडा टाकण्यासाठी येणार असल्याची माहिती बाजारपेठ पोलिसांना मिळाली होती. या माहितीच्या आधारे अवघ्या तासाभरात पोलिसांनी सापळा रचत चार दरोडेखोरांना बेड्या ठोकल्यात. त्यांचे तीन साथीदार पळून जाण्यात यशस्वी झाले आहेत. पोलीस या तिघांचा शोध घेत आहेत. आजीम गाझी, अरफात शेख उर्फ काल्या, अन्वर शहा, अरबाज शेख उर्फ बटला अशी अटक आरोपींची नावे आहेत. तर शफिक बगला अल्ताफ उर्फ कच्ची व जिओ हे तीन साथीदार पसार झाले आहेत. हे सर्व सराईत गुन्हेगार असून त्यांच्यावर गंभीर स्वरूपाचे गुन्हा दाखल असल्याची माहिती पोलिसांनी दिली.
कल्याण पश्चिमेकडील एपीएमसी मार्केटमध्ये गुजरात हुन येणाऱ्या धान्य व्यापाऱ्यांच्या वाहनांवर दरोडा घालून लुटण्यासाठी काही दरोडेखोर मार्केट परिसरात जमले असल्याची माहिती कल्याण बाजारपेठ पोलीस ठाण्याची हवालदार सचिन साळवी व पोलीस शिपाई आंधळे यांना मिळाली होती. या माहितीच्या आधारे डीसीपी सचिन गुंजाळ, एसीपी कल्याणजी घेटे, यांच्या मार्गदर्शनाखाली वरिष्ठ पोलीस निरीक्षक अशोक कडलग, पोलीस निरीक्षक विनोद केलेकर सहाय्यक पोलीस निरीक्षक नवनाथ रुपवते यांच्या पथकाने एपीएमसी मार्केट परिसरात सापळा रचला. या ठिकाणी काही इसम संशयास्पद रित्या फिरताना आढळून आले. पोलिसांनी तात्काळ या इसमांवर झडप टाकली.
चौघांना ताब्यात घेतलं मात्र यामधील तीन जण पळून जाण्यात यशस्वी झाले. आजीम गाझी, अरफात शेख उर्फ काल्या, अन्वर शहा, अरबाज शेख उर्फ बटला अशी अटक आरोपींची नावे आहेत तर शफिक बगला अल्ताफ उर्फ कच्ची व जिओ हे तीन साथीदार पसार झाले आहेत. हे सर्व आरोपी सराईत गुन्हेगार असल्याची माहिती पोलिसांनी दिली. अटक करण्यात आलेल्या आरोपीकडून तीन धारदार चाकू, नायलॉनची रस्सी, मिरचीचा स्प्रे, रोकड तसेच एक रिक्षा पोलिसांनी जप्त केली आहे.
.png "Videos"){kind=small}
