कल्याणमध्ये एमडी ड्रग्ज सापडल्याची घटना सुरुच आहे. आत्ता कल्याणच्या डीसीपी स्कॉर्डने २२ लाखाचे एमडी ड्रग्ज जप्त करीत. या प्रकरणात मोहम्मद कैफ शेख आणि फरदीन शेख या दोन तरुणांना अटक केली आहे. यांनी हे ड्रग्ज कोणाकडून आणले होते. यांचे ग्राहक कोण आहेत याचा तपास आत्ता बाजारपेठ पोलिस आणि डीसीपी स्कॉर्डने संयुक्तरित्या करणार आहेत.
कल्याण डोंबिवली डीसीपी अतुल झेंडे यांच्या मार्गदर्शनाखाली कल्याणच्या डीपीसी स्कॉर्ड ने आणि पोलिस ठाण्याची टीम यांनी एक अंमली पदार्थ विरोधात मोठी मोहिम सुरु केली आहे. काही दिवसापूर्वी डोंबिवलीत हायप्रोफाईल सोसायटीत दाेन वेगवेगळया घटनेत जवळपास चार कोटी २४ लाखाचे एमडी ड्रग्ज जप्त करण्यात आले. या प्रकरणात एका परदेशी नागरीकासह पाच जणांना अटक केली होती. अशाच प्रकारे कल्याण डोंबिवली गेल्या सात महिन्यापासून डीसीपी अतुल झेडे यांच्या नेतृत्वात मोठी कारवाई करण्यात आली आहे.
अनेक जणांना अटक करण्यात आलेली आहे. आत्ता ताजी घटना कल्याण पश्चिमेतील एपीएमसी मार्केट परिसराला लागून असलेल्या ठिकाणाची आहे. ज्या ठिकाणी कल्याण डीसीपी स्कॉर्डचे प्रमुख अनिल गायकवाड यांच्या नेतृत्वात २२ लाखाच्या एमडी ड्रग्जसह दोन तरुणाना अटक केली आहे. दोघांपैकी एक जण कल्याणला तर दुसरा कोणगावात राहतो. पुढील तपास सुरू आहे.
त्याचबरोबर कल्याण पश्चिमेतील खडकपाडा पोलीस ठाण्याच्या योगीधाम अमृतधाम सोसायटीकडे जाणाऱ्या रस्त्यावर रवी गवळी नावाच्या एका ३० वर्षीय तरुणाकडे २५ हजार रुपये किंमतीचा गांजा पोलिसांनी हस्तगत केला आहे. रवी गवळी याने हा गांजा कोणाला विकण्याकरीता आणला होता. याचा तपास खडकपाडा पोलिस करीत आहेत.
.png "Videos"){kind=small}
