वालचंदनगर – जंक्शन रस्ता खड्ड्यांत! नागरिकांसह विद्यार्थ्यांची गैरसोय ; रस्ता दुरुस्तीसाठी आंदोलनाचा इशारा

वालचंदनगर : वालचंदनगर – जंक्शन या मुख्य रस्त्यावर जागोजागी मोठमोठे खड्डे पडल्याने हा रस्ता वाहतूकीस धोकादायक  बनला आहे. गार्डन शिवाजीनगर या परिसरात दोन फुट खोल तर पाच ते सहा फुट रुंद खड्डा  पडल्याने शालेय विद्यार्थ्यांना येथून ये -जा करताना तारेवरची कसरत करावे लागत आहे. परिसरात झालेल्या अतिवृष्टीमुळे जंक्शन- वालचंदनगर रस्ता जीवघेणा  ठरत आहे. त्यामुळे  हा रस्ता दुरूस्ती करण्यात यावा; अन्यथा खड्ड्यात झाडे लावून तीव्र आंदोलन करण्याचा आधार येथील नागरिकांनी व विद्यार्थ्यांनी दिला आहे.(Walchandnagar Junction road in potholes)

वालचंदनगर- जंक्शन या रस्त्यासाठी २२ कोटी रुपये खर्च करण्यात आले.   मात्र,  काही वर्षातच या रस्त्यावर असंख्य ठिकाणी खड्डे पडल्याने पुन्हा ‘जैसे थे’ परिस्थिती निर्माण झालेली दिसत आहे. या मुख्य रस्त्यावरून वालचंदनगर, कळंब येथील विद्यालय व महाविद्यालयात शिक्षण घेण्यासाठी हजारोच्या संख्येने विद्यार्थी दररोज ये- जा करीत असतात. रस्त्यावर मोठमोठे खड्डे असल्याने या विद्यार्थ्यांच्या जिवीतास  धोका निर्माण झाला आहे.

मुख्य चौकात खड्ड्यांचे साम्राज्य
नवीन बसस्थानकाशेजारी व गार्डन शिवाजीनगर येथे  ऐन चौकात मोठमोठे खड्डे पडले आहेत. या चौकातून नागरिकांना दवाखान्यात जाण्यासाठी बाजारात जाण्यासाठी मोठी तारेवरची कसरत करण्याशिवाय पर्याय राहीला नाही.  अपघात होण्याअगोदर हा रस्ता दुरूस्ती केल्यास नागरिकांना सोयीचे  होणार आहे.

सार्वजनिक बांधकाम विभागाने दखल घ्यावी
आठ दिवसात हा दुरूस्ती केल्यास या परिसरातील विद्यार्थी व नागरिक एकत्रितपणे येऊन तीव्र आंदोलन करण्यात येणार आहे. सार्वजनिक बांधकाम विभागाच्या अभियंता आणि  ठेकेदारांनी या रस्त्याच्या दुरवस्थेची दखल घेऊन दुरूस्ती करण्यात यावा अशी मागणी करण्यात येत आहे.

Web Title: Walchandnagar junction road in potholes inconvenience of students with citizens warning of agitation for road repair nrab

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com