Maharashtra Weather Forecast: बंगालच्या उपसागरातील कमी दाबाचा पट्टा ; विदर्भासह मराठवाडा आणि घाट परिसरात पावसाची शक्यता

Maharashtra Weather Forecast: उद्या (२७ ऑक्टोबर) गडचिरोली जिल्ह्याला यलो अलर्ट जारी करण्यात आला आहे. काही भागांना पाऊस आणि वादळी वाऱ्यासह पावसची शक्यता वर्तवण्यात आली आहे. यावेळी वाऱ्याचा वेग ताशी ३० ते ४० किलोमीटर राहू शकतो.

•  उपसागरात कमी दाबाचा पट्टा
• महाराष्ट्रासोबतच आंध्र प्रदेश आणि ओडिशाच्या किनारपट्टीवर या स्थितीचा परिणाम
• २७ ऑक्टोबरला गडचिरोली जिल्ह्याला विजा आणि वादळी वाऱ्यासह पावसाचा ‘यलो अलर्ट’

Maharashtra Weather Forecast:  गेल्या चार महिन्यांपासून दडी मारुन बसलेला मान्सूनचा आता परतीच्या मार्गाने प्रवास सुरू झाला आहे. पण या परतीच्या मार्गावर असतानाच बंगालच्यानिर्माण झाला आहे. या कमी दाबाच्या क्षेत्रामुळे देशातील बहुतांश भागांतील हवामानात बदल होण्याची शक्यता वर्तवण्यात आली आहे. या हवामान प्रणालीचे चक्रीवादळात रूपांतर होण्याचा अंदाज व्यक्त केला जात आहे. त्याचा परिणाम महाराष्ट्रातील काही भागांवरही होण्याची शक्यता आहे. हवामान विभागाच्या अंदाजानुसार, २७ ते २९ ऑक्टोबर या कालावधीत राज्यातील काही जिल्ह्यांत मध्यम ते मुसळधार पावसाची शक्यता आहे. विशेषतः विदर्भातील काही जिल्ह्यांना पावसाचा इशारा देण्यात आला आहे.

Mumbai News: धुळीचे साम्राज्य, तरीही हवेची गुणवत्ता ‘उत्तम’ कशी? बांधकामांवरील प्रदूषण मोजणाऱ्या यंत्रांच्या विश्वासार्हतेवरच बोट

बंगालच्या उपसागरात कमी दाबाचे क्षेत्र

पूर्व-मध्य बंगालच्या उपसागरात कमी दाबाचे क्षेत्र निर्माण झाले असून ते अधिक तीव्र होताना दिसत आहे. ही प्रणाली पश्चिम-वायव्य दिशेने सरकत असल्याने तिचे चक्रीवादळात रूपांतर होण्याची शक्यता वर्तवली जात आहे. चक्रीवादळ तयार झाल्यास त्याला ‘अर्णव’ हे नाव दिले जाणार आहे. महाराष्ट्रासोबतच आंध्र प्रदेश आणि ओडिशाच्या किनारपट्टीवर या स्थितीचा परिणाम होण्याचा अंदाज आहे.

२७ ऑक्टोबरला गडचिरोलीत पावसाचा यलो अलर्ट

उद्या (२७ ऑक्टोबर) गडचिरोली जिल्ह्याला यलो अलर्ट जारी करण्यात आला आहे. काही भागांना पाऊस आणि वादळी वाऱ्यासह पावसची शक्यता वर्तवण्यात आली आहे. यावेळी वाऱ्याचा वेग ताशी ३० ते ४० किलोमीटर राहू शकतो.

२८ ऑक्टोबरला गडचिरोलीला ऑरेंज अलर्ट

२८ ऑक्टोबरला विदर्भातील इतर काही जिल्ह्यांना ऑरेंज अलर्ट जारी करण्यात आला आहे. याशिवाय उर्वरित महाराष्ट्राच्या इतर भागांमध्येही पावसाची शक्यता आहे. गडचिरोली जिल्ह्यात मुसळधार ते अतिमुसळधार पाऊस पडण्याचा अंदाज वर्तवण्यात आला आहे.

Sant Namdev Jayanti: संत नामदेव यांची जयंती जाणून घ्या २६ ऑक्टोबरचा इतिहास..

दुसरीकडे कोल्हापूरच्या घाट परिसरासह, हिंगोली, नांदेड, चंद्रपूर, गोंदिया, नागपूर, वर्धा आणि यवतमाळ या जिल्ह्यांमध्येही मध्यम ते मुसळधार पावसाची शक्यता वर्तवण्यात आली आहे. काही भागांत मेघगर्जना आणि विजांसह पावसाचा अंदाज आहे.

२९ ऑक्टोबरला कोणत्या भागांत पाऊस?

२९ ऑक्टोबरला रत्नागिरी, नाशिक घाटमाथा, पुण्याचा घाटमाथा परिसर, साताऱ्याचा घाटमाथा परिसर या भागातही पावसाची शक्यता वर्तवण्यात आली आहे. या जिल्ह्यांसाठी हवामान विभागाच्या अद्ययावत अंदाजानुसार पावसाचा इशारा लागू होऊ शकतो. हवामानात होणाऱ्या बदलांच्या पार्श्वभूमीवर नागरिकांनी हवामान विभागाच्या अधिकृत सूचनांकडे लक्ष द्यावे.