पश्चिम वरील प्रवाशांना नो टेन्शन; मध्य, हार्बर मार्गावर आज मेगाब्लॉक

ठाणे येथून सकाळी १०.५८ ते दुपारी ३.५९ वाजेपर्यंत अप धीम्या मार्गावरील सेवा मुलुंड आणि माटुंगा दरम्यान अप जलद मार्गावर वळवण्यात येतील. दरम्यान, मेगाब्लॉक पाहून प्रवास करण्याचे रेल्वेने आवाहन केले आहे.

मुंबई : मध्य रेल्वेने (Central Railway) रविवार १० जून रोजी विविध अभियांत्रिकी आणि देखभालीची कामे करण्यासाठी (Maintainance And Repair Work) आपल्या उपनगरीय विभागांत (Suburban Department) मेगाब्लॉक (MegaBlock) घोषित केला आहे.

सकाळी ११.०५ ते सायंकाळी ४.०५ पर्यंत मांटुगा-मुलुंड अप आणि डाऊन धीम्या मार्गावर मेगाब्लॉक घोषित केला आहे.

ब्लॉक कालावधीत छत्रपती शिवाजी महाराज टर्मिनस मुंबई (CSMT, Mumbai) येथून सकाळी १०.१४ ते दुपारी ३.३२ वाजेपर्यंत सुटणाऱ्या धीम्या मार्गावरील (Slow Line) सेवा माटुंगा आणि मुलुंड स्थानकांदरम्यान डाऊन जलद मार्गावर (Down Fast Line) वळविण्यात येतील.

ठाणे येथून सकाळी १०.५८ ते दुपारी ३.५९ वाजेपर्यंत अप धीम्या मार्गावरील सेवा मुलुंड आणि माटुंगा दरम्यान अप जलद मार्गावर वळवण्यात येतील. दरम्यान, मेगाब्लॉक पाहून प्रवास करण्याचे रेल्वेने आवाहन केले आहे.

हार्बर मार्गावर असा असेल मेगाब्लॉक

• पनवेल-वाशी अप आणि डाऊन हार्बर मार्गावर सकाळी ११.०५ ते सायंकाळी ४.०५ पर्यंत हा मेगाब्लॉक असेल. मात्र, बेलापूर- नेरूळ- खारकोपर या मार्गाला मेगाब्लॉकमधून वगळले आहे.
• पनवेल येथून सकाळी १०.३३ ते दुपारी ३.४९ वाजेपर्यंत सुटणाऱ्या छत्रपती शिवाजी महाराज टर्मिनस मुंबईकडे जाणाऱ्या अप हार्बर मार्गावरील सेवा आणि छत्रपती शिवाजी महाराज टर्मिनस येथून सकाळी ९.४५ ते दुपारी ३.१२ वाजेपर्यंत
• पनवेल, बेलापूरकडे जाणाऱ्या डाऊन हार्बर मार्गावरील सेवा रद्द राहतील.
• पनवेल येथून ठाण्याकडे जाणारी अप ट्रान्सहार्बर मार्गावरील सेवा आणि ठाणे येथून सकाळी १०.०१ ते दुपारी ३.२० वाजेपर्यंत ठाणे येथे जाणारी डाऊन ट्रान्सहार्बर मार्गावरील सेवा बंद राहतील.