मुंबई : गेल्या दोन-अडीच वर्षांपासून उद्योगपती गौतम अदानी चांगलेच चर्चेत आहेत. मुंबईतील धारावी धारावी पुनर्विकास प्रकल्पांमुळे तर गौतम अदानींवर चारही बाजूंनी टीका होत आहे. महाराष्ट्र विधानसभा निवडणुकीवेळीही धारावीचा मुद्दा हा विरोधाकांच्या अग्रस्थानी होता. महाराष्ट्रात भाजप प्रणित महायुतीची सत्ता आल्यास धारावीकरांकडून त्यांच्या जमिनी हिसकावून घेतल्या जातील, असे अनेकदा विरोधकांकडून सांगण्यात आले होते. पण निवडणुकीच्या निकालानंतर सर्वकाही शांत झाले. अशातच आता धारावी पुनर्विकास प्रकल्पाबाबत महत्त्वाची बातमी समोर आली आहे.
धारावी पुनर्विकास प्रकल्पांतर्गत आशियातील सर्वात मोठी झोपडपट्टी असलेल्या धारावीचा कायापालट होणार आहे. या पुनर्विकासासाठी राज्य सरकार आणि अदानी समूह यांच्या संयुक्त भागीदारीत धारावी रिडेव्हलपमेंट प्रायव्हेट लिमिटेड (डीआरपीपीएल) नावाची कंपनी स्थापन करण्यात आली होती, मात्र आता अचानक या कंपनीचे नाव बदलण्यात आले आहे.
डीआरपीपीएलऐवजी आता या कंपनीचे नाव एनएमडीपीएल झाले आहे. DRPPL च्या संचालक मंडळाच्या 12 डिसेंबर रोजी झालेल्या बैठकीत हा निर्णय घेण्यात आला आहे. 17 डिसेंबरपासून डीआरपीपीएलचे नाव बदलून नवभारत मेगा डेव्हलपर प्रायव्हेट लिमिटेड (NMDPL) असे करण्यात आले आहे. धारावीचा पुनर्विकास अदानी समूह करत आहे.
या पुनर्विकासाअंतर्गत सध्या धारावीतील बांधकामांचे सर्वेक्षण केले जात आहे. त्यानंतर रहिवाशांची पात्रता निश्चित केली जाईल. या प्रकल्पाला लवकरच गती मिळण्याची शक्यता आहे. या पुनर्विकासासाठी, महाराष्ट्र राज्य सरकार आणि अदानी समूह यांच्या संयुक्त भागीदारीत धारावी रिडेव्हलपमेंट प्रायव्हेट लिमिटेड किंवा डीआरपीपीएल नावाची कंपनी स्थापन करण्यात आली आहे. या कंपनीत अदानी समूहाचा 80 टक्के तर राज्य सरकारचा 20 टक्के हिस्सा आहे. धारावीच्या पुनर्विकासाची सर्वस्वी जबाबदारी ही कंपनी आहे.
दरम्यान, अचानक डीआरपीपीएलचे नाव बदलण्यात आले आहे. कंपनीचे नाव आता DRPPL ऐवजी NNDPL झाले आहे. अदानी समूहाच्या सूत्रांनी याला दुजोरा दिला आहे. NMDPL ही नवीन कंपनी नाही तर 23 ऑगस्ट 2023 पर्यंत अदानी समूहाची जुनी कंपनी आहे.दरम्यान, 17 डिसेंबर रोजी नाव बदलण्यात आले, परंतु अद्याप डीआरपीपीएल, धारावी पुनर्विकास प्रकल्प (डीआरपी) किंवा राज्य सरकार याबाबत कोणतीही माहिती देण्यात आलेली नाही. ही बाब गुप्त ठेवण्यात आली आहे. धारावी बचाव आंदोलनाने अखेर वरील माहिती उघड केली आहे.
धारावी वाचवा आंदोलनाचे समन्वयक ऍड. राजेंद्र कोरडे म्हणाले, “अदानी समूहाच्या प्रत्येक कामात गोपनीयता पाळली जाते. सर्वेक्षण असो वा मुंबईतील जागेची मागणी. अदानी यांनी धारावी पुनर्विकासाचे भूमिपूजनही गुपचूप केले. आता अचानक आणि कोणालाही कोणतीही माहिती न देता कंपनीचे नाव बदलण्यात आले आहे. अदानी धारावीकरांचा पत्ताही उद्या बदलणार आहे. धारावीकरांचा पत्ता धारावीबाहेरचा असू शकतो. हा सगळा गोंधळ आणि गैरव्यवहार पाहता संबंधितांनी सावध राहून अदानीविरुद्धचा लढा अधिक तीव्र करण्याची गरज आहे.
.png "Videos"){kind=small}
