किरण मानेनी बाबासाहेब आंबेडकरांच्या ‘राजगृह’ला दिली भेट; पोस्ट शेअर करत म्हणाला, “सांगितल्या दिवशी दारात गाडी…”

‘पुष्पा २’ची वेळ आणखीन २० मिनिटांनी वाढणार; नव्या फुटेजसोबत चित्रपट थिएटरमध्ये कधी रिलीज होणार?

नेते प्रकाश आंबेडकर यांच्या भेटीसोबतचा किस्सा सांगताना अभिनेता किरण मानेनी पोस्टमध्ये लिहिले की,

“ ‘राजगृह’! जे डॉ. बाबासाहेब आंबेडकरांचं स्वप्न होतं. आपल्याजवळ असलेल्या पन्नास हजार पुस्तकांसाठी हक्काचं घर बांधायला त्यांनी कर्ज काढलं. जे पाहिल्यावर माझी माता रमाई म्हणाली होती, “हे घर नाही. जगातल्या महान विद्वानाचे ग्रंथभांडार आहे.” त्या वास्तूत पाऊल ठेवल्याला आज बरोब्बर एक वर्ष झालं! आदरणीय बाळासाहेब आंबेडकरांचा निरोप आला, “किरणजी, वेळ असेल तेव्हा भेटायला या. गप्पा मारू.” मी सातारला होतो. ‘परवा येतो’ म्हणालो. सांगितल्या दिवशी मला घेऊन जायला सातारला दारात गाडी उभी राहिली!” “बाबासाहेबांच्या ‘राजगृहा’त आलो आणि अक्षरश: हरवुन गेलो. शहारलो. गलबललो. इथं… इथं बाबासाहेबांनी ‘भगवान बुद्ध आणि त्यांचा धम्म’हे पुस्तक लिहीलं ! एवढंच नाही, तर इथं बसून त्यांनी आपल्या भारत देशाचं संविधान लिहीलं !! मी सतत स्वत:ला भानावर आणत होतो. बाळासाहेब आंबेडकरांबरोबर बसून मनमुराद गप्पा मारल्या. एक तास मी आणि बाळासाहेब दोघंच भरपूर बोलत होतो… फक्त राजकारणच नाही, तर संपूर्ण भवतालाविषयी… मी मध्येच ‘झोन आऊट’ होत होतो… ‘मी बाबासाहेबांच्या कुटूंबातल्या महत्त्वाच्या व्यक्तीबरोबर आहे !!!’ पुन:पुन्हा स्वत:ला सावरत होतो…” “डॉ. बाबासाहेबांचा खरा बौद्धिक आणि सामाजिक वारसा जपणारे बाळासाहेब हे राजगृहाचा लौकीक वाढवत आहेत यात शंका नाही. आजकाल पोकळ झगमगाटापुढे सगळेच आकर्षित होत असताना… या ग्लॅमर दुनियेपासनं लांब सातार्‍यात राहून, अभिनयासोबत वेळात वेळ काढून, परिवर्तनाच्या चळवळीत खारीचा वाटा उचलणार्‍या, माझ्यासारख्या छोट्या कलावंताची या माणसानं दखल घेणं… त्याला सहज गप्पा मारायला बोलवणं हे खूप दिलासादायक होतं. एक वर्षापूर्वीची आठवण आजही काळजाच्या कप्प्यात ताजी आहे ! जय शिवराय… जय भीम.”

संबंधित बातम्या