२ कोटी रुपयांचा दंड, फीमध्ये कपात आणि बरंच काही…; बिग बॉसचं घर अर्धवट सोडल्यावर कोणती शिक्षा मिळते ?

दरम्यान, आज आम्ही तुम्हाला सांगणार आहोत की, जर एखाद्या स्पर्धकाने स्वतःच्या इच्छेने शो मध्येच सोडला किंवा करार तोडला, तर त्याला काय शिक्षा होते?

सर्वात लोकप्रिय रिॲलिटी टीव्ही शो ‘बिग बॉस १८’ आता तीन महिन्यांच्या अद्भुत प्रवासानंतर संपत आहे. शोचा ग्रँड फिनाले १९ जानेवारी २०२५ रोजी होणार आहे. या सीझनचा शेवटचा एपिसोड सलमान खान होस्ट करणार आहे. या सीझनमध्येही स्पर्धकांनी प्रेक्षकांचे भरपूर मनोरंजन केले. आता हा प्रवास अंतिम टप्प्यात आहे. ६ स्पर्धकांमध्ये अंतिम सामना होणार आहे. टॉप ६ मध्ये विवियन डिसेना, करणवीर मेहरा, अविनाश मिश्रा, ईशा सिंग, चुम दारंग आणि रजत दलाल आहेत. यापैकी एक ट्रॉफीसह मोठ्या किंमतीची रक्कम घरी घेऊन जाणार आहे.

Bigg Boss 18 Finale : बिग बॉसच्या विजेत्याला ट्रॉफीसोबत किती बक्षीस रक्कम मिळणार?

या सगळ्या दरम्यान, आज आम्ही तुम्हाला सांगणार आहोत की, जर एखाद्या स्पर्धकाने स्वतःच्या इच्छेने शो मध्येच सोडला किंवा करार तोडला, तर त्याला काय शिक्षा होते? ‘बिग बॉस’मध्ये जर एखादा स्पर्धक नॉमिनेट होऊन शो सोडतो. मग ते ठीक आहे, पण जर त्याने स्वतःच्या इच्छेने शो मध्येच सोडला आणि करार मोडण्याची चूक केली तर त्याला कठोर शिक्षा होते. ‘बिग बॉस’मध्ये तुम्ही अनेकदा पाहिलं असेल की स्पर्धक शो मध्येच सोडून जाण्याची धमकी देतात. वेळोवेळी ते शो सोडण्याविषयी बोलतात. पण तुम्हाला माहिती आहे का की, असे केल्याने त्यांना मोठा दंड भरावा लागतो, कारण ते करार अर्धवट सोडू शकत नाहीत. पण जर कोणी असं केलं तर बिग बॉस त्याच्यावर २ कोटींचा दंड ठोठावतो.

सैफ अली खानच्या उपचारांसाठी किती खर्च झाला? मेडिक्लेमचा आकडा आला समोर; डिस्चार्जची तारीखही झाली उघड

जर बिग बॉसने स्पर्धकाला गेल्या आठवडाभरासाठी जी काही फी भरली तीही कापली जाते. तसेच, स्पर्धकावर कायदेशीर कारवाई देखील केली जाऊ शकते. वास्तविक, शोमध्ये येण्यापूर्वी सर्व स्पर्धकांना एका करारावर सही करावी लागते, ज्यामध्ये या सर्व गोष्टी लिहिलेल्या असतात. त्यात स्पष्ट लिहिले आहे की, जर त्याने स्वतःच्या इच्छेने शो सोडला तर त्याला २ कोटी रुपये मोजावे लागतील.  ‘बिग बॉस १८’ ६ ऑक्टोबरला सुरू झाला होता. १८ स्पर्धक या शोचा भाग बनले. याशिवाय काही वाइल्ड कार्ड एंट्रीही झाल्या. तथापि, सर्वांना मागे टाकून विवियन, करणवीर मेहरा, रजत, ईशा, चुम दरंग आणि अविनाश यांनी अंतिम फेरीत प्रवेश केला. आता या शोमध्ये कोण बाजी मारतो हे पाहणे औत्सुक्याचे ठरणार आहे. जो कोणी ‘बिग बॉस १८’ चे विजेतेपद जिंकेल त्याला ५० लाख रुपयांचे बक्षीस आणि चमकदार ट्रॉफी दिली जाणार आहे. आता एवढी मोठी रक्कम कोणता खेळाडू घरी नेणार ? हे जाणून घेण्यासाठी स्पर्धकांना आता आणखीन अवघे काही तास वाट पाहावी लागणार आहे.

Saif Ali Khan Attack Case: सैफ अली खान हल्ला प्रकरण; कोर्टाने आरोपीला सुनावली 5 दिवसांची कोठडी