१३ वर्षांच्या डेटिंगनंतर मराठमोळी अभिनेत्री नेपाळी बॉयफ्रेंडसोबत करणार लग्न, कर्जतमध्ये ‘या’ दिवशी घेणार सप्तपदी

हिंदुस्तान टाईम्सने वृषांक आणि प्राजक्ताच्या लग्नाच्या बातमीला दुजोरा दिला आहे आणि त्यासंबंधित काही अधिक माहिती देखील शेअर केली आहे. हिंदुस्थान टाइम्सने सूत्राच्या हवाल्याने दिलेल्या माहितीनुसार, “प्राजक्ता आणि वृषांक येत्या २५ फेब्रुवारीला लग्न करणार आहेत. दोघेही याबद्दल खूप आनंदी आणि उत्साहित आहेत. मेहंदी, हळदी आणि संगीत नाईटनंतर हे दोघेही लग्न करतील. त्यानंतर त्यांचा रिसेप्शन सोहळा आयोजित केला जाणार आहे. लग्नाचे कार्यक्रम २३ फेब्रुवारीपासून सुरू होतील आणि २५ फेब्रुवारीला प्राजक्ता व वृषांकचे लग्न होईल. लग्नाचे सर्व सोहळे कर्जतमध्ये होणार आहेत.”

प्राजक्ता आणि वृषांकबद्दल बोलायचे झाल्यास, प्राजक्ता अभिनेत्री नव्हती, त्याच्या आधीपासून ते दोघेही एकत्र आहेत. वृषांक हा काठमांडू, नेपाळचा रहिवासी आहे. त्याची आणि प्राजक्ताची एका मित्राच्या माध्यमातून ओळख झाली होती. गणपती पूजेदरम्यान दोघेही एकमेकांना भेटले होते. इथेच वृषांकने प्राजक्ताला डेटसाठी विचारलं होतं, त्यानंतर दोघांच्या भेटीगाठी वाढल्या आणि ते प्रेमात पडले. वृषांक हा वकील आहे.

‘छावा’ने बॉक्स ऑफिसवर प्रस्थापित केला नवा विक्रम, ऐतिहासिक कथा असलेल्या चित्रपटाची चाहत्यांना भुरळ

प्राजक्ताच्या कामाबद्दल बोलायचे झाले तर, प्राजक्ता ‘मिसमॅच्ड’ नावाच्या वेब सिरीजमध्ये दिसली आहे. त्या सीरिजचा तिसरा सीझन डिसेंबर २०२४ मध्ये प्रदर्शित झाला. याशिवाय, अभिनेत्री वरुण धवन, कियारा अडवाणी आणि अनिल कपूर यांच्यासोबत ‘जुग जुग जिओ’ चित्रपटातही दिसली आहे. यापूर्वी, प्राजक्ता कोळी भारती सिंगच्या पॉडकास्टवरही दिसली होती, जिथे तिने तिच्या बॉयफ्रेंडबद्दल खुलासा केला होता. तिने त्याच्याबद्दल सर्व माहिती भारती सिंगच्या पॉडकास्टमध्ये सांगितली होती.

वृषांक मुळचा काठमांडू, नेपाळचा आहे. तो एक वकील असून तो एका इन्वेस्टमेंट बँकेत काम करतो. प्राजक्ताने एक पुस्तकही लिहिलं आहे. तिने ‘टू गुड टू बी ट्रू’नावाच्या पुस्तकाचं लेखन केलं आहे. तिचं हे पुस्तक प्रकाशित झालेलं आहे. याशिवाय तिची ‘अंधेरा’ नावाची हॉरर सीरीजही प्रदर्शनाच्या तयारीत आहे.

संबंधित बातम्या