गणा धाव रे चित्रपटाचा ट्रेलर प्रदर्शित
‘गणा धाव रे’ हा केवळ एक चित्रपट नसून, गणपती बाप्पा आणि भक्ताच्या नात्यातील एका अनोख्या प्रवासाची कथा आहे. केदार शिंदे यांच्या दिग्दर्शनाखाली साकारलेली ही कलाकृती भक्ती, माणुसकी आणि आयुष्यातील संघर्षावर प्रकाश टाकते. बाप्पाच्या साथीने कठीण प्रसंगांवर कशी मात केली जाते, हे अत्यंत संवेदनशीलतेने चित्रपटात मांडण्यात आले आहे.
या चित्रपटात मराठी कलाविश्वातील लोकप्रिय अभिनेते भरत जाधव यांच्यासह अभिनेत्री प्रणाली घोगरे मुख्य भूमिकेत दिसून येणार आहेत. त्यांच्यासोबतच चित्रपटातील इतर सहकलाकारांनीही उत्तम अभिनय सादर केला आहे. भरत जाधव आणि प्रणाली घोगरे यांची जोडी आणि पात्रांमधील भावनिक गांभीर्य प्रेक्षकांना थिएटरमध्ये खिळवून ठेवेल यात शंका नाही.
चित्रपटाची निर्मिती सूरज सिंह, सना कुकरेजा, नूतन जैन, रिचर्ड आणि अवनी यांनी केली आहे. चित्रपटाचे उत्कृष्ट संगीत, चित्तवेधक पार्श्वसंगीत आणि विलोभनीय छायांकन यामुळे चित्रपटाच्या भव्यतेत अधिक भर पडली आहे. निर्मात्यांच्या मते, ही कथा प्रेक्षकांच्या मनात कायमची जागा निर्माण करेल.
ट्रेलर रिलीज झाल्यानंतर आता प्रेक्षकांमध्ये चित्रपटाबाबतची उत्सुकता शिगेला पोहोचली आहे. गणेशभक्तांच्या आणि रसिक प्रेक्षकांच्या मनाला स्पर्श करणारा हा भावनिक प्रवास येत्या २७ नोव्हेंबर २०२६ पासून संपूर्ण महाराष्ट्रातील चित्रपटगृहांमध्ये पाहायला मिळणार आहे. त्यामुळे बाप्पाच्या या सुंदर कलाकृतीचा आनंद घेण्यासाठी सज्ज व्हा!
अभिनेता भरत जाधव दिसणार ‘खलनायकाच्या’ भूमिकेत!
.png "Videos"){kind=small}
