लग्नाच्या 1 वर्ष 4 महिन्यांनंतर पुन्हा लग्नासाठी सज्ज झाली ‘ही’ अभिनेत्री, लग्नपत्रिकाही होतेय व्हायरल!

'बिग बॉस 16' फेम श्रीजीता डे दुसऱ्यांदा लग्न करणार आहे. आता अभिनेत्रीच्या लग्नाच्या पत्रिका सोशल मीडियावर व्हायरल होत आहे. तसेच अभिनेत्रीच्या चाहत्यांना तिला पुन्हा लग्न मंडपात पाहण्यासाठी आनंद होत आहे.

‘बिग बॉस 16’ फेम श्रीजीता डे या अभिनेत्रीबाबत एक महत्त्वाची बातमी समोर येत आहे. श्रीजिता डे ही टीव्ही इंडस्ट्रीतील लोकप्रिय अभिनेत्री आहे. तिने ‘उत्तरन’, ‘नजर’, ‘पिया रंगरेझ’ आणि ‘शैतानी रस्में’ सारख्या शोमध्ये काम केले आहे. आता या लोकप्रिय टीव्ही अभिनेत्रीबाबत एक रंजक खुलासा समोर आला आहे. श्रीजीताच्या चाहत्यांना माहित आहे की ती विवाहित आहे, अभिनेत्रीने 1 जुलै 2023 रोजी जर्मनीतील एका चर्चमध्ये तिचा प्रियकर मायकल ब्लोहम-पेपशी लग्न केले. परंतु आता अभिनेत्री पुन्हा एकदा लग्न करण्यासाठी सज्ज झाली आहे.

श्रीजीता डे दुसऱ्यांदा लग्न करणार?
आता बातमी आली आहे की लग्नाच्या 1 वर्ष 4 महिन्यांनंतर ती पुन्हा नवरी होणार आहे. स्वत: सृजिता डे यांनी तिच्या लग्नाच्या वृत्ताला दुजोरा दिला आहे. एवढेच नाही तर श्रीजीता डेच्या दुसऱ्या लग्नाचे कार्डही समोर आले आहे. अशा परिस्थितीत आता सर्वांच्या मनात प्रश्न निर्माण होत आहे की, श्रीजीता डे यांच्या पहिल्या लग्नाचे आणि पहिल्या नवऱ्याचे काय झाले? अभिनेत्री आणि तिचा नवरा यांच्यात सर्व काही ठीक आहे का? आजही ती पतीसोबत सोशल मीडियावर दिसते, मग दुसऱ्या लग्नाची चर्चा कुठून आली? असे प्रश्न चाहत्यांच्या मनात निर्माण झाले आहेत.

हे देखील वाचा- ‘तारक मेहता’ फेम या अभिनेत्याच्या पायाला गंभीर दुखापत, विमानतळावर वाईट अवस्थेत झाले स्पॉट!

कोण असेल श्रीजीता डे चा नवरदेव?
कथेतील ट्विस्ट असा आहे की, श्रीजीता डे तिच्या लग्नाच्या दीड वर्षांनी पुन्हा लग्न करणार आहे, पण ती तिच्या स्वतःच्या पतीसोबत. खरे तर ख्रिश्चन रितीरिवाजानुसार लग्न केल्यानंतर श्रीजीता आणि मायकल आता भारतीय पद्धतीने लग्न करणार आहेत. यावेळी बंगाली रितीरिवाजांनुसार लग्न होणार आहे कारण श्रीजीता स्वतः बंगाली आहे. आता या जोडप्याच्या दुसऱ्या लग्नाचे कार्डही इंटरनेटवर व्हायरल होत आहे. आणि चाहत्यांना खूप आनंद होत आहे.

हे देखील वाचा- अर्जुन कपूरच्या ब्रेकअपनंतर मलायकाचा सुरु होता वाईट काळ, अभिनेत्रीने स्वतः केला खुलासा!

सृजिता डे यांचे दुसरे लग्न कधी?
यावेळी दोघांच्या लग्नाचे फंक्शन २ दिवस चालणार आहे. 9 आणि 10 नोव्हेंबर रोजी संपूर्ण उत्सव होणार आहे. 9 नोव्हेंबर रोजी दुपारी 2 वाजता त्यांचा मेहंदी सोहळा होणार असून सायंकाळी 7:30 वाजता संगीत सुरू होणार असल्याचे या कार्डवरून स्पष्ट दिसून येत आहे. दुसऱ्या दिवशी म्हणजेच रविवारी १० नोव्हेंबरला सकाळी हळदी असेल आणि त्यानंतर रात्री ४ वाजता लग्न आणि रिसेप्शनचे आयोजन करण्यात आले आहे. म्हणजे २ दिवस हा लग्नाचा उत्सव साजरा केला जाणार आहे.