हॉलिवूड वॉक ऑफ फेम म्हणजे काय? ज्यावर दीपिका पादुकोणने मिळवले वर्चस्व, भारताची वाढवली प्रतिष्ठा

दीपिका पादुकोणला २०२६ मध्ये हॉलिवूड वॉक ऑफ फेम सन्मान मिळणार आहे. हा सन्मान मिळाल्यानंतर, ती पहिली भारतीय स्टार बनली आहे. या बातमी भारतीय चाहत्यांना खूप आनंद झाला आहे.

बॉलीवूड अभिनेत्री दीपिका पदुकोणच्या नावावर एक मोठी कामगिरी नोंदवली जाणार आहे. पुढील वर्षी २०२६ मध्ये हॉलिवूड वॉक ऑफ फेम सन्मान मिळवणारी ती पहिली भारतीय अभिनेत्री ठरणार आहे. या यादीत जगभरातील दिग्गजांची नावे निवडली आहेत. आता दीपिकाचे नावही या यादीत समाविष्ट करण्यात आले आहे. आज ३ जुलै रोजी ओव्हेशन हॉलिवूडच्या लाईव्ह पत्रकार परिषदेत ही घोषणा करण्यात आली. भारतीय चित्रपट उद्योगासाठी ही खरोखरच अभिमानाची भावना आहे.

बिलबोर्डने ही यादी अधिकृत केली
टीओआयच्या वृत्तानुसार, ओव्हेशन हॉलिवूडच्या लाईव्ह पत्रकार परिषदेत बिलबोर्डने हॉलिवूड वॉक ऑफ फेमसाठी नवीन नावांची यादी अधिकृत केल्याची घोषणा करण्यात आली आहे. बॉलीवूड अभिनेत्री दीपिका पदुकोणने या यादीत आपले स्थान निर्माण केले आहे. तिच्या व्यतिरिक्त, या यादीत फ्रेंच अभिनेत्री मॅरियन कोटिलार्ड, अमेरिकन अभिनेत्री मायली सायरस, टिमोथी चालमेट, एमिली ब्लंट, इटालियन अभिनेता फ्रँको नीरो, कॅनेडियन अभिनेत्री राहेल मॅकअ‍ॅडम्स आणि सेलिब्रिटी शेफ गॉर्डन रॅमसे यांच्यासह अनेक स्टार आयकॉनच्या नावाचा समावेश आहे.

बालपणीच वडिलांचं छत्र हरपलं, खाण्याचेही होते वांदे; कॉमेडी किंग भारती सिंगचा इंडस्ट्रीतील खडतस प्रवास, एकदा वाचाच

दीपिका भारतातील पहिली अभिनेत्री
दीपिका पदुकोण ही भारतातील पहिली स्टार आहे जिने पुढील वर्षी २०२६ साठी हॉलिवूड वॉक ऑफ फेममध्ये आपले स्थान निर्माण केले आहे. आंतरराष्ट्रीय स्तरावरही तिच्यासाठी ही एक मोठी संधी आणि कामगिरी आहे. हॉलिवूड चेंबर ऑफ कॉमर्सच्या वॉक ऑफ फेम निवड पॅनेलने अनेक स्टार्सच्या यादीत दीपिकाचे नाव देखील निवडले आहे. तिचे नाव २५ जून रोजी बोर्डाने निवडले होते.

या चित्रपटाद्वारे हॉलिवूडमध्ये पदार्पण
तसेच, दीपिका पदुकोणने २००७ मध्ये ‘ओम शांती ओम’ या चित्रपटाद्वारे मुख्य अभिनेत्री म्हणून बॉलीवूडमध्ये पदार्पण केले होते. सुमारे १० वर्षांनंतर तिने हॉलिवूडमध्ये पदार्पण केले. २०१७ मध्ये विन डिझेलसोबत ‘xXx: रिटर्न ऑफ झेंडर केज’ या चित्रपटात दीपिका दिसली होती. तसेच अभिनेत्रीचे चाहते आता या बातमीने आनंदी झाले आहेत.

“प्रवास सोप्पा नव्हता, काही कलाकार सोडून गेले…” अपूर्वाचा रोख कोणाकडे? शेवटच्या दिवसाच्या शूटिंगनंतर केली पोस्ट

हॉलिवूड वॉक ऑफ फेम म्हणजे काय?
दीपिका पदुकोणने ज्या हॉलिवूड वॉक ऑफ फेममध्ये आपले नाव नोंदवले आहे ते कॅलिफोर्नियातील एक प्रसिद्ध पर्यटन स्थळ आहे. १५ ब्लॉकमध्ये पसरलेल्या या ठिकाणी आतापर्यंत २,७०० हून अधिक स्टार स्थापित केले गेले आहेत. या स्टारवर चित्रपट उद्योगातील प्रसिद्ध सेलिब्रिटींची नावे लिहिली आहेत जसे की अभिनेते, गायक, दिग्दर्शक आणि निर्माते ज्यांनी या उद्योगात योगदान दिले आहे. हे एक प्रसिद्ध पर्यटन स्थळ आहे जिथे दरवर्षी लाखो लोक भेट देण्यासाठी येतात.