(फोटो सौजन्य- इन्स्टाग्राम)
धर्मा प्रॉडक्शनच्या ‘होमबाउंड’ या चित्रपटाने परदेशात आपले वर्चस्व गाजवल्यानंतर आता हा चित्रपट लवकरच भारतात प्रदर्शित होणार आहे. धर्मा प्रॉडक्शनच्या ‘होमबाउंड’ या चित्रपटाचा ट्रेलर रिलीज झाला आहे. ज्यामध्ये जान्हवी कपूर, ईशान खट्टर आणि विशाल जेठवा यांच्या मुख्य भूमिका प्रेक्षकांना पाहायला मिळणार आहे. तसेच हा चित्रपट कधी रिलीज होणार हे आपण जाणून घेणार आहोत.
‘तो भिंतीवर डोके आपटायचा’, ऐश्वर्याच्या प्रेमात वेडा होता सलमान? प्रल्हाद कक्कर यांचा शॉकिंग खुलासा
धर्मा प्रॉडक्शन्सने ट्रेलर केला रिलीज
धर्मा प्रॉडक्शन्सने सोशल मीडियावर चित्रपटाचा ट्रेलर रिलीज केला आहे. ट्रेलर शेअर करताना प्रोडक्शन हाऊसने लिहिले की, “आमच्या हृदयाचा एक तुकडा तुमच्यात घर शोधतो! होमबाउंडचा अधिकृत ट्रेलर सादर करत आहोत. २६ सप्टेंबर रोजी थिएटरमध्ये प्रदर्शित होणार आहे.” असे लिहून निर्मात्यांनी हा ट्रेलर रिलीज केला आहे.
पात्रांची आणि कथेची झलक
ट्रेलरमध्ये ईशान खट्टर आणि विशाल जेठवा हे बालपणीचे मित्र आहेत. दोघेही पोलिस अधिकारी बनण्याचे स्वप्न पाहतात आणि ते साध्य करण्यासाठी कठोर परिश्रम करतात. ईशान मोहम्मद शोएबची भूमिका करतो, तर विशाल चंदन कुमारची भूमिका करतो. या दोन मित्रांची स्वप्ने आणि संघर्ष कथेला पुढे घेऊन जाताना दिसत आहे. दुसरीकडे जान्हवी कपूर विशालची प्रेयसी चंदन म्हणून दिसते. तिच्या उपस्थितीतून स्पष्ट होते की ती दोन मित्रांमध्ये महत्त्वाची भूमिका बजावणार आहे.
६० कोटी बजेट, १२५ दिवसांचे शूटिंग; ‘मिराई’ने पाच दिवसांत ३ ब्लॉकबस्टर चित्रपटांचा विक्रम मोडला
मैत्री आणि संघर्षाची कहाणी
चित्रपटाच्या ट्रेलरवरून हे स्पष्ट होते की ही केवळ मनोरंजनाची कथा नाही तर जीवनातील संघर्ष आणि स्वप्नांची गोष्ट आहे. मोहम्मद शोएब आणि चंदन कुमार सारख्या तरुणांना त्यांच्या स्वप्नांच्या मार्गावर येणाऱ्या अडचणी, एकमेकांवरील विश्वास आणि परिस्थितीवर मात करण्याची त्यांची ताकद या चित्रपटात दाखवण्यात आली आहे. “होमबाउंड” चित्रपटगृहात पोहोचण्यापूर्वी अनेक आंतरराष्ट्रीय चित्रपट महोत्सवांमध्ये प्रदर्शित झाला आहे. तेथे त्याला उत्कृष्ट पुनरावलोकने मिळाली आहेत. आता, निर्मात्यांना चित्रपटगृहांमध्ये असाच प्रतिसाद मिळण्याची आशा आहे. हा चित्रपट २६ सप्टेंबर रोजी चित्रपटगृहांमध्ये प्रदर्शित होत आहे.
.png "Videos"){kind=small}
