‘इतकं सोप्पं आहे का…?’, ज्योती चांदेकरांच्या निधनानंतर जुई गडकरीची वाईट अवस्था, म्हणाली…

ज्येष्ठ अभिनेत्री ज्योती चांदेकर यांच्या निधनाने सगळ्यांनाच धक्का बसला आहे. त्यांच्या सहकलाकारांना आणि विशेषतः अभिनेत्री जुई गडकरीला त्यांच्या जाण्याने खूप दुःख झालं आहे आणि ती वाईट अवस्थेतून जात आहे.

• ज्योती चांदेकर यांच्या निधना जुई गडकरी भावुक
• जुई गडकरीने शेअर केली पोस्ट
• ‘पूर्णा आजी’च्या आठवणीत शेअर केला व्हिडीओ

‘ठरलं तर मग’ या लोकप्रिय मालिकेतील ‘पूर्णा आजी’ म्हणजेच महाराष्ट्राच्या घराघरात पोहोचलेल्या ज्येष्ठ अभिनेत्री ज्योती चांदेकर यांच्या निधनाने सगळ्यांनाच धक्का बसला आहे. पुण्याच्या एका खाजगी रुग्णालयात त्यांनी वयाच्या ६९ व्या वर्षी अखेरचा श्वास घेतला. त्यांच्या जाण्याने मराठी मनोरंजन विश्वात एक मोठी पोकळी निर्माण झाली आहे. त्यांच्या सहकलाकारांना आणि विशेषतः अभिनेत्री जुई गडकरीला त्यांच्या जाण्याचं दुःख पचवणं खूप कठीण जात आहे. तसेच जुई गडकरी एका वाईट काळातून जात आहे. तिला हे दुःख पचवणं खूप कठीण जात आहे. सोशल मीडियावर जुई गडकरीने काही ‘पूर्णा आजी’ सोबतच्या आठवणी तिने पुन्हा एकदा शेअर केल्या आहेत.

करण कुंद्रा ४ वर्षांपासून तेजस्वीच्या प्रेमात… तरीही नवीन प्रेयसीच्या शोधात? डेटिंग ॲपवरील प्रोफाइलने उडाली खळबळ

‘पूर्णा आजी’च्या आठवणीत ‘सायली’ भावूक
जुई गडकरी आणि ज्योती चांदेकर यांची पहिली भेट २०१० मध्ये ‘बाजीराव मस्तानी’ मालिकेच्या सेटवर झाली होती. परंतु या दोघींमधील घट्ट नातं ‘ठरलं तर मग’ मालिकेच्या सेटवर झालं. जुईसाठी ज्योती चांदेकर या फक्त सहकलाकार नव्हत्या, तर त्या तिची‘आजी’च होत्या. जुई गडकरी त्यांच्यावर खूप प्रेम आहे आणि आता त्यांच्या अचानक जाण्याने जास्त त्रास जुईला होत आहे.

 

See more

जुईने सोशल मीडियावर एक खूपच भावुक पोस्ट लिहिली आहे. अभिनेत्रीने लिहिले की, “शो मस्ट गो ऑन… किती सहज म्हणतात ना हे वाक्य हल्ली! पण खरंच इतकं सोप्पं आहे का ते? इतकं सहज मूव्ह ऑन करणं?” आपल्या ‘पूर्णा आजी’ची आठवण काढताना जुईने गोडं व्हिडीओ शेअर केला आहे. ती म्हणाली, “जेवणाच्या टेबलावर आता रोज दुपारी गोड खाण्यावरून भांडण नाही होणार… मृत्यू हेच जीवनाचं एकमेव सत्य आहे, तरीही आपण ते स्वीकारायला तयार नसतो.” असे लिहून जुईने भावुक होऊन ही पोस्ट शेअर केली आहे.

‘महाराष्ट्रात राहून मराठीचा अपमान…’ विवेक अग्निहोत्रींवर ‘या’ मराठमोळा अभिनेत्याचा संताप, म्हणाला, ‘इथे पैसे कमावता अन्…’

अखेरच्या क्षणापर्यंत लढल्या
‘ठरलं तर मग’ मालिकेच्या निर्मात्या सुचित्रा बांदेकर यांनी नुकतंच एका मुलाखतीत सांगितलं की, “ज्योती चांदेकर गेल्या काही दिवसांपासून आजारी होत्या. १० तारखेला त्या मालिकेच्या सेटवरून गेल्या होत्या. ११ तारखेला त्यांनी पुण्यात फिजिओथेरपी घेतली आणि १२ तारखेला त्यांना रुग्णालयात दाखल करण्यात आलं. त्यांना संपूर्ण शरीरभर बॅक्टेरियल इन्फेक्शन झालं होतं.” ४-५ दिवस त्यांनी या आजाराशी झुंज दिली, पण अखेर त्यांच्या जीवाची लढाई थांबली. त्यांच्या निधनाने कलाविश्वात एक मोठी पोकळी निर्माण झाली असून सहकलाकारांसह त्यांचे चाहते हळहळ व्यक्त करत आहेत.