‘देवरा’ मधील जान्हवीचा अभिनय पाहून बॉयफ्रेंड शिखर झाला थक्क, म्हणाला- ‘हे स्वप्न आहे?’

अभिनेत्री जान्हवी कपूरने देवरा पार्ट 1 या चित्रपटातून तेलुगू चित्रपटसृष्टीत पदार्पण केले आहे. या चित्रपटात तिने थंगमची भूमिका साकारली आहे. देवरामध्ये या अभिनेत्रीने तिचे चमकदार अभिनय कौशल्य दाखवले आहे, जे पाहून तिचा प्रियकर शिखर पहाडिया देखील हैराण झाला असून त्याने सोशल मीडियावर ही प्रतिक्रिया दिली आहे.

शुक्रवारी, जान्हवी कपूर आणि साऊथ सुपरस्टार ज्युनियर एनटीआर अभिनीत देवरा हा बहुप्रतिक्षित चित्रपट चित्रपटगृहात प्रदर्शित झाला आहे. जान्हवीसाठी हा चित्रपट खूप खास आहे, कारण या चित्रपटाद्वारेच तिने तेलुगू चित्रपटसृष्टीत प्रवेश केला आहे. अभिनेत्रीच्या अभिनयाचे सोशल मीडियावर खूप कौतुक होत आहे. प्रेक्षक आणि निर्माते तिच्या अभिनयाची प्रशंसा करत आहेत. तसेच, या बाबतीत जान्हवीचा बॉयफ्रेंड शिखर पहाडिया देखील मागे राहिला नाही आणि त्याने पहिल्याच दिवशी देवरा चित्रपटगृहांमध्ये पाहिला. यानंतर त्याने जान्हवी कपूरच्या अभिनयाबाबत सोशल मीडियावर आपली प्रतिक्रिया दिली आहे.

शिखरने गर्लफ्रेंड जान्हवीला दिली प्रतिक्रिया
जान्हवी कपूर आणि शिखर पहाडिया बऱ्याच दिवसांपासून एकमेकांना डेट करत आहेत. दोघेही अनेक प्रसंगी सार्वजनिक ठिकाणी एकत्र स्पॉट झाले आहेत, ज्यामुळे त्यांच्या नात्याची बातमी आणखी मजबूत झाली आहे. यासोबतच शिखर जान्हवीचा एकही चित्रपट चुकवत नाही. देवरा पाहण्यासाठी पहिल्याच दिवशी सिनेमागृहात पोहचून त्याने हा चित्रपट पहिला आहे.

 

त्याने त्याच्या अधिकृत इंस्टाग्राम हँडलवर इन्स्टा स्टोरीमधील देवरा भाग 1 च्या स्क्रीनिंग दरम्यानचे फोटो शेअर केले आहेत. ज्यामध्ये शिखर त्याची गर्लफ्रेंड जान्हवीचा अभिनय पाहून आश्चर्यचकित झालेला दिसत आहे. त्याने अभिनेत्रीच्या फोटोसोबत लिहिले आहे – मी स्वप्न पाहत आहे का? असे लिहून त्याने ही पोस्ट शेअर केली आहे. जान्हवी कपूरचा पहिला तेलगू चित्रपट पाहिल्यानंतर शिखरने कौतुकाची प्रतिक्रिया दिली आहे.

हे देखील वाचा- चक्क दिग्दर्शक आहेत रणबीर कपूरचे चाहते, अभिनेत्याने संपूर्ण हिंदी सिनेमासृष्टीची केली कायापालट!

देवरा चित्रपटाची चांगली कमाई
देवराने रिलीजच्या पहिल्याच दिवशी बॉक्स ऑफिसवर धमाकेदार एंट्री केली आहे. बंपर ॲडव्हान्स बुकिंगमुळे, ज्युनियर एनटीआरच्या चित्रपटाने पहिल्या दिवशी 77 कोटी रुपयांचा जोरदार व्यवसाय केला आहे, जो खूपच नेत्रदीपक मानला जातो आहे. एकूणच देवरा पहिल्या दिवशी प्रेक्षकांच्या अपेक्षांवर खरा उतरला आहे.