(फोटो सौजय -इन्स्टाग्राम)
सोनाक्षी सिन्हाचा ‘निकिता रॉय’ हा चित्रपट १८ जुलै रोजी चित्रपटगृहात प्रदर्शित झाला. या चित्रपटाचे दिग्दर्शन सोनाक्षीचा भाऊ कुश सिन्हाने केले आहे. दिग्दर्शक म्हणून हा त्यांचा पहिलाच चित्रपट आहे. सोनाक्षी सिन्हाचा भाऊ कुश सिन्हाने थिएटरमध्ये मर्यादित स्क्रीन्स असल्याबद्दल नाराजी व्यक्त केली. कुश सिन्हाने ‘निकिता रॉय’ बद्दल उघडपणे सांगितले, जो खूप मर्यादित थिएटरमध्ये प्रदर्शित झाला आहे, याचे एक कारण यशराज फिल्म्सचा ‘सैयारा’ चित्रपट आहे. या चित्रपटात अहान पांडे आणि अनित पद्डा दिसले आहेत, ज्याला अधिक स्क्रीन्स आणि प्रमोशन मिळत आहे. तसेच हा चित्रपट प्रेक्षकांच्या पसंतीस देखील आला आहे.
‘निकिता रॉय’ चित्रपटाच्या कमी स्क्रीन्स असल्याबद्दल कुश सिन्हा म्हणाला, “निकिता रॉय हा एक उत्तम थ्रिलर चित्रपट आहे, जो कथाकथन आणि नवीन कल्पनांवर काम करण्याची कल्पना प्रेक्षकांना अनुभवयाला देणार आहे. जरी हा चित्रपट एका मजबूत आणि वेगळ्या कथेवर आधारित असला तरी, काही अवांछित परिस्थितीमुळे तो कमी थिएटरमध्ये दाखवला जात आहे.” मूळ आणि मजबूत कथा असलेल्या चित्रपटांना पूर्ण संधी मिळत नसल्याबद्दल कुशने नाराजी व्यक्त केली आहे.
कुश पुढे म्हणाला की, “कमी स्क्रीनमुळे चित्रपटाचे नुकसान होत आहे, परंतु चांगली गोष्ट म्हणजे प्रेक्षकांकडून त्याला सकारात्मक प्रतिसाद मिळत आहे. लोकांना चित्रपटाची नवीन आणि अनोखी कथा आवडत आहे. ते कलाकारांच्या दमदार अभिनयाचेही कौतुक करत आहेत.”
ज्येष्ठ चित्रपट दिग्दर्शक सुभाष घई यांनीही ‘निकिता रॉय’चे कौतुक केले. त्यांनी त्याची तुलना हॉलिवूड दिग्दर्शक अल्फ्रेड हिचकॉक यांच्या निर्मिती शैलीशी केली. प्रसिद्ध हॉलिवूड दिग्दर्शक अल्फ्रेड हिचकॉक हे सस्पेन्स आणि थ्रिलर चित्रपटांसाठी ओळखले जातात. तसेच हा चित्रपट देखील प्रेक्षकांच्या पसंतीस आला आहे. परंतु प्रेक्षकांचा हवा तसा प्रतिसाद मिळत नाही आहे.
Elvish Yadav लवकरच अडकणार लग्नबंधनात? युट्यूबरने स्वतःच केला खुलासा, म्हणाला ‘यावर्षी नक्की…’
सुभाष घई यांनी चित्रपटाचे कौतुक केले
सुभाष घई म्हणाले, “कुश सिन्हाने त्यांच्या पहिल्याच प्रयत्नात अद्भुत दिग्दर्शन केले आहे. हा थ्रिलर चित्रपट अंधश्रद्धा आणि बुद्धिमत्ता यांच्यातील वादविवाद उत्कृष्ट पद्धतीने दाखवतो.” असे ते म्हणाले आहे. ‘निकिता रॉय’ चित्रपटाबद्दल सांगायचे झाले तर हा चित्रपट अलौकिक थ्रिलर चित्रपट आहे. ज्यामध्ये सोनाक्षी सिन्हा, परेश रावल, अर्जुन रामपाल आणि सुहेल नय्यर यांसारखे दिग्गज कलाकार महत्त्वाच्या भूमिकांमध्ये काम करताना दिसत आहेत. हा चित्रपट १८ जुलै रोजी चित्रपटगृहांमध्ये प्रदर्शित झाला आहे.
.png "Videos"){kind=small}
