Salman Khan has Launched his New Official YouTube Channel: (फोटो सौजन्य- सोशलमीडिया)
या चॅनेलवर तो स्वत:च्या स्टाईलमागचं गुपित आपल्या प्रेक्षकांना सांगणार आहे. त्याने पहिला व्हिडिओ शेअर केला. यामध्ये भाईजान दोन वेगवेगळ्या भूमिकेत दिसत आहे. एका ठिकाणी तो अॅक्टिंग कोच बनला असून दुसरीकडे तो एका नवीन मुलाला अभिनयाचे धडे देतो. डायलॉग कसा बोलायचा? हातवारे कसे करायचे? हे एकदम मजेशीरपणे शिकवतोय. व्हिडिओ पाहून तुमचे हसू थांबणार नाही.
सलमानने स्वतः या चॅनेलची घोषणा करताना म्हटले आहे, “शुरू से शुरू करते हैं। मेरा ऑफिशियल यूट्यूब चैनल। A से Z तक सब यहां मिलेगा।” म्हणजे त्याच्या आयुष्याची A to Z सगळी माहिती, त्याचा आतापर्यंतचा प्रवास, त्याचे किस्से सगळं काही या चॅनेलवर बघायला मिळणार आहे.
मिळालेल्या माहितीनुसार सलमानने हे चॅनेल 22 सप्टेंबरला सुरु केले होते. आत्तापर्यंत यावर 10 व्हिडिओ अपलोड झाले. 9 ऑक्टोबरला या चॅनेलबद्दल अधिकृतपणे सांगण्यात आले. आता मात्र त्याचे सबस्क्रायबर्स पण वाढताना दिसत आहेत.
हे सलमानचं पहिलं यूट्यूब चॅनेल नाही. याआधी 2020 मध्ये कोरोना काळात त्याने ‘Salman Khan Films Music’ नावाचे एक म्युझिक चॅनेल सुरु केले होते. त्यावेळी लॉकडाऊनमध्ये त्याने ‘प्यार करोना’, ‘तेरे बिना’ सारखी गाणी गायली होती आणि चॅनेलवर टाकली होती. त्या म्युझिक चॅनेलला आज जवळपास 30 लाख लोकांनी सबस्क्राईब केले आहे.पण हे नवीन चॅनेल ‘Being The Salman Khan’ हे पूर्णपणे वेगळं असणार आहे. इथे म्युझिक नाही तर फक्त आणि फक्त सलमान असेल.
आजकाल मोठ-मोठ्या स्टार्सपासून अगदी सामान्य माणसं सुद्धा सोशलमीडियावर जास्त वापर करतात. त्यामध्ये भाईजानचा फॅन वेगळा आहे. त्यामुळे सगळेच त्याच्या या नवीन चॅनेलची सगळेच वाट बघत होते. आता फॅन्सना सलमानला चित्रपटाच्या बाहेर, एकदम जवळून बघता येणार आहे. त्याला नक्कीच चांगला प्रतिसाद मिळेल यात काही शंका नाही.
.png "Videos"){kind=small}
