भांडण वादविवाद आणि ड्रामा! एका रात्रीत सोडला होता शो, तब्बल ९ वर्षांनी परततेय ‘ही’ मराठमोळी अभिनेत्री

भाभी जी घर पर हैं या मालिकेतील गाजलेली अभिनेत्री लवकरच मालिकेत कमबॅक करणार असल्याच्या चर्चा जोरदार सुरू आहेत.

• शिल्पा शिंदे लवकरच ‘अंगूरी भाभी’च्या भूमिकेत?
• अंगूरी भाभी’ची क्रेझ अजूनही प्रेक्षकांमध्ये कायम
• ९ वर्षांनंतर पुन्हा मालिकेतून प्रेक्षकांच्या भेटीला येणार?

टीव्हीवरील चाहत्यांसाठी मोठी बातमी अशी आहे की ‘बिग बॉस’ विजेती शिल्पा शिंदे लवकरच ‘अंगूरी भाभी’च्या भूमिकेत छोट्या पडद्यावर परत येऊ शकते. शिल्पा शिंदेने २०१५ मध्ये सुरू झालेल्या ‘भाभी जी घर पर हैं’ या मालिकेत अंगूरी भाभीची भूमिका साकारून प्रेक्षकांच्या मनात खास स्थान निर्माण केले होते.शिल्पाची बोलण्याची खास पद्धत, याशिवाय “सही पकडे हैं” हा डायलॉग आणि तिचा साधेपणा यामुळे ही भूमिका खूप गाजली होती. काही वर्षांपूर्वी तिने ही मालिका सोडली होती, पण आता ९ वर्षांनंतर पुन्हा मालिकेतून प्रेक्षकांच्या भेटीला येणार असल्याची चर्चा जोरदार सुरू आहे.

या मालिकेच्या निर्मात्यांशी झालेल्या वादामुळे शिल्पा शिंदेने २०१६ मध्ये ‘भाभी जी घर पर हैं’ ही मालिका सोडली होती.. त्यानंतर शुभांगी अत्रे अंगूरी भाभीच्या भूमिकेत मालिकेत दाखल झाली आणि तिनेही प्रेक्षकांची मन जिंकली.

शिल्पाच्या एक्झिटनंतर तिने अनेक रियलिटी शो आणि प्रोजेक्ट्समध्ये काम केले, तरीही ‘अंगूरी भाभी’ची क्रेझ अजूनही प्रेक्षकांमध्ये कायम आहे. मीडिया रिपोर्टनुसार, मालिकेच्या निर्मात्यांनी पुन्हा एकदा शिल्पाला अंगूरी भाभीच्या भूमिकेसाठी संपर्क साधला आहे.

See more

Thamma Collection: ‘थामा’ने मंगळवारी बॉक्स ऑफिसवर घातला धुमाकूळ, केला १०० कोटींचा गल्ला पार; मोडले हे रेकॉर्ड

मिळालेल्या माहितीनुसार  “शिल्पा अंगूरी भाभीच्या रूपात परत येण्याबाबत चर्चा सुरू आहे आणि सर्वांना अपेक्षा आहे की ही डील लवकरच फाइनल होईल. हा निर्णय घेण्यात आला कारण सर्वांना वाटते की शो पुन्हा एकदा सुरू करण्याची गरज आहे. एक दशक यशस्वीपणे चालल्यानंतर आता चॅनेल शोला नवीन रूप देण्यासाठी  पात्रे आणू इच्छित आहे.”

‘घरात ठेवले आहेत बॉम्ब…’, साऊथ सुपरस्टार रजनीकांत आणि धनुषला जीवे मारण्याची धमकी? पोलिसांचा तपास सुरु

सध्या अभिनेत्री आणि मेकर्सनी या विषयावर काहीही अधिकृत माहिती दिली नाही आहे. पण जर शिल्पा शिंदे शोमध्ये परत आली तर हे चाहत्यांसाठी मोठी आनंदाची बातमी ठरणार आहे.