सीबीआय चौकशीने बसला धक्का… आता काय करणार सुशांतचे कुटूंब ? वडिलांनी लेकासाठी निवडला ‘हा’ मार्ग!

दिवंगत अभिनेता सुशांत सिंह राजपूत यांच्या प्रकरणात सीबीआयने आपला क्लोजर रिपोर्ट न्यायालयात दाखल केला आहे. ज्यामध्ये असे म्हटले आहे की अभिनेत्याने आत्महत्या केली होती. आणि याबाबत पुरावे मिळालेले नाही.

सुशांत सिंग राजपूतच्या मृत्यूला ५ वर्षे पूर्ण होतील. अभिनेत्याच्या वडिलांनी रिया चक्रवर्ती आणि तिच्या कुटुंबाविरुद्ध हत्येचा संशय व्यक्त करत खटला दाखल केला होता. अभिनेत्याचे वडील वर्षानुवर्षे न्यायाची वाट पाहत होते, परंतु सीबीआयच्या क्लोजर रिपोर्ट आणि तपासातील खुलासे दिवंगत अभिनेत्याच्या अपेक्षेच्या पूर्णपणे विरुद्ध आहेत. तपास अहवालाने त्यांना धक्का बसला आहे हे स्पष्ट आहे, पण न्यायाची आशा अजूनही संपलेली नाही. ते सीबीआयच्या क्लोजर रिपोर्टला विशिष्ट पद्धतीने आव्हान देऊ शकतात. लेकाला न्याय मिळवून देण्यासाठी आता त्यांचाकडे एकच पर्याय राहिला आहे. जो काय आहे आपण जाणून घेऊयात.

अभिनेत्याच्या मृत्यूला जबाबदार कोण? सुशांत सिंह राजपूत प्रकरणात सीबीआयचे मोठे विधान!

सुशांत सिंग राजपूतच्या मृत्यूनंतर व्हायरल झालेल्या गुन्ह्याच्या ठिकाणाचे फोटो आणि व्हिडिओ पाहिल्यानंतर बहुतेक लोकांना हत्येचा संशय आला, परंतु ४ वर्षांच्या तपासानंतर सीबीआयने आपल्या अहवालात केलेल्या दाव्यांमुळे चाहते आणि जवळच्यांना मोठा धक्का बसला आहे. सुशांत सिंग राजपूतच्या प्रकरणाची चौकशी केल्यानंतर सीबीआयने त्याची प्रेयसी रिया चक्रवर्ती आणि तिच्या कुटुंबाला क्लीन चिट दिली आहे, परंतु सुशांत सिंग राजपूतच्या कुटुंबाला फसवणूक झाल्याचे वाटत आहे.

सीबीआयने आपल्या अहवालात स्पष्टपणे म्हटले आहे की सुशांतच्या मृत्यूसाठी कोणीही जबाबदार नाही. सुशांतचे वडील आणि त्यांचे जवळचे लोक ज्या ‘न्याया’ची अपेक्षा करत होते त्यापासून खूप दूर आहेत हे स्पष्ट आहे. आता प्रश्न असा आहे की, क्लोजर रिपोर्ट सादर झाल्यानंतर, सुशांतला न्याय मिळण्याची आशा संपली आहे का? तर असे काहीही नाही. सुशांतच्या कुटुंबाच्या दृष्टिकोनातून, न्यायाची आशा कमकुवत झाली आहे, पण संपलेली नाही. खरं तर, त्याचे वडील मुंबई न्यायालयात ‘निषेध याचिका’ दाखल करून पुन्हा आपला मुद्दा मांडणार असल्याची शक्यता आहे.

Kangana Ranaut Birthday : ३९ वर्षीय कंगना रणौत अजूनही का आहे सिंगल, स्वत:च केला खुलासा

रिया चक्रवर्तीचे आरोप खोटे ठरले
वृत्त आणि सूत्रांनुसार, सुशांत सिंह राजपूत प्रकरणात कोणतीही अनियमितता असल्याचे सिद्ध करणारे कोणतेही पुरावे सीबीआयला तपासात सापडले नाहीत, असे उघड झाले. सुशांतला आत्महत्या करण्यास प्रवृत्त करण्यात आले होते हे सिद्ध करणारे कोणतेही पुरावे त्यांना तपासात सापडले नाहीत. सुशांत सिंग राजपूत प्रकरणाच्या तपासात सहभागी असलेल्या एम्सच्या फॉरेन्सिक टीमनेही कोणतेही चुकीचे कृत्य केल्याचा नकार केला. सुशांतच्या मृत्यूनंतर त्याच्या कुटुंबातील सदस्यांनी रिया चक्रवर्ती आणि कुटुंबावर अनेक गंभीर आरोप केले होते, ज्याला उत्तर म्हणून रियानेही त्यांच्यावर आरोप केले. दोन्ही प्रकरणांमध्ये क्लोजर रिपोर्ट दाखल करण्यात आला आहे. रिया चक्रवर्तीने सुशांतच्या कुटुंबावर केलेले आरोप सीबीआय चौकशीत खोटे सिद्ध झाले. १४ जून २०२० रोजी सुशांत त्याच्या घरात मृतावस्थेत आढळला. अभिनेत्याचे कुटुंब आणि चाहते अभिनेत्याचा खून झाल्याचे मानत आहेत, परंतु सीबीआयने याला आत्महत्येचा खटला म्हटले आहे आणि कोणताही कट रचल्याचा नकार देत आहेत.