Thamma: ‘स्त्री’ लाँच करणार ‘थामा’चा ट्रेलर; नवीन पोस्टरने वेधले लक्ष, होणार मोठी घोषणा

हॉरर-कॉमेडी विश्वाच्या निर्मात्यांनी आगामी 'थामा' चित्रपटाबाबत एक मोठी अपडेट समोर आली आहे, ज्यामुळे चाहते चित्रपटासाठी आणखी उत्सुक आहेत. आता ही माहिती काय हे आपण जाणून घेणार आहोत.

• ‘स्त्री’ लाँच करणार ‘थामा’चा ट्रेलर
• चित्रपटाच्या नवीन पोस्टरने वेधले लक्ष
• निर्मात्यांनी केली मोठी घोषणा

आयुष्मान खुराना आणि रश्मिका मंदाना यांच्या आगामी “थामा” चित्रपटाविषयी खूप उत्सुकता आहे. चाहते या चित्रपटाची आतुरतेने वाट पाहत आहेत. आता, निर्मात्यांनी हॉरर-कॉमेडी विश्वातील त्यांच्या पुढील चित्रपटाविषयी एक मोठी अपडेट जारी केली आहे. ती अपडेट काय आहे हे आपण जाणून घेणार आहोत. तसेच निर्मात्यांनी चित्रपटाचे नवीन पोस्टर देखील शेअर केले आहे. जो पाहून चाहते चकीत झाले आहेत.

साई पल्लवी-अनिरुद्ध रविचंदर कलईमामणी पुरस्कारांनी सन्मानित, तामिळनाडू सरकारने केली घोषणा

स्त्री घेऊन येत आहे ‘थामा’
मॅडॉक फिल्म्सने आज त्यांच्या इन्स्टाग्राम “थामा” बद्दल एक मोठी अपडेट शेअर केली आहे. चाहत्यांची उत्सुकता आणखी वाढविण्यासाठी, निर्मात्यांनी उद्या, २६ सप्टेंबर रोजी संध्याकाळी ५ वाजता मुंबईतील वांद्रे किल्ल्यावर एक कार्यक्रम जाहीर केला, जिथे विश्वातील सर्वात लोकप्रिय पात्र स्त्री देखील दिसणार आहे. निर्मात्यांनी पोस्टला कॅप्शन दिले आहे, “स्त्री येत आहे, तिच्यासोबत एक मोठी ‘थामा’ घेऊन येत आहे.” निर्मात्यांनी त्यांचे काय नियोजन आहे हे स्पष्ट केलेले नसले तरी, ते “थामा” चा ट्रेलर लाँच करू शकतात अशी अपेक्षा आहे.

 

See more

निर्मात्यांच्या पोस्टने चाहत्यांमध्ये उत्साह निर्माण केली
निर्मात्यांनी आज इन्स्टाग्रामवर “थामा” शी संबंधित तीन पोस्ट आणि पोस्टर शेअर केले आहेत. त्यापैकी एकात “स्त्री” दिसत आहे आणि त्यात लिहिले आहे, “ओ स्त्री, परवा ये.” चित्रपटातील एक संवाद कापला आहे आणि त्याऐवजी “परवा” असे लिहिले आहे. पुढील पोस्टमध्ये लिहिले आहे, “संध्याकाळी ५ वाजता सूर्यास्ताच्या वेळी एका हृदयस्पर्शी घोषणेसह.” तिसऱ्या पोस्टमध्ये “थामा” चे पोस्टर शेअर केले आहे. या पोस्टरमध्ये, आयुष्मान खुराना आणि रश्मिका मंदान्ना हवेत उडताना दिसत आहेत. रश्मिका आयुष्मानला धरून आहे आणि आयुष्मान रश्मिकाच्या डोळ्यात पाहत आहे. या तिन्ही पोस्टच्या कॅप्शनमध्ये फक्त असे म्हटले आहे की “स्त्री” येत आहे आणि एक हृदयस्पर्शी अपडेट घेऊन येत आहे. या पोस्टमुळे “थामा” साठी चाहत्यांमध्ये उत्साह आणखी वाढला आहे.

“माझी आईच माझ्यासाठी स्त्रीशक्तीचं रूप आहे”, अभिनेत्री पूजा रायबागीने नवरात्रीनिमित्त व्यक्त केल्या भावना

‘थामा’ मध्ये एक रक्तरंजित प्रेमकथा दिसणार
‘थामा’ हा चित्रपट मॅडॉक फिल्म्सच्या हॉरर-कॉमेडी विश्वातील पुढील चित्रपट आहे. पूर्वी या विश्वात ‘स्त्री’, ‘भेडिया’, ‘मुंज्या’ आणि ‘स्त्री २’ यांचा समावेश होता, जे सर्व प्रेक्षकांनी चांगलेच पसंत केले होते. आता ‘थामा’ चित्रपटाद्वारे निर्माते या विश्वातील एक रक्तरंजित प्रेमकथा सादर करत आहेत. यात एका व्हँपायर प्रेमकथेचा समावेश असणार आहे. ज्याला चाहत्यांचा कसा प्रतिसाद मिळतो हे पाहण्यासाठी उत्सुकता आहे.

दिग्दर्शक आदित्य सरपोतदार घेऊन येत आहे धमाका
‘आदित्य सरपोतदार दिग्दर्शित ‘थामा’ हा चित्रपट या दिवाळीत प्रदर्शित होणार आहे. परंतु, चित्रपटाची प्रदर्शन तारीख अद्याप जाहीर झालेली नाही. आयुष्मान आणि रश्मिका व्यतिरिक्त, या चित्रपटात नवाजुद्दीन सिद्दीकी आणि परेश रावल देखील मुख्य भूमिकेत आहेत. या सगळ्यांना एकत्र पाहण्यासाठी चाहते खूप उत्सुक आहेत.