कलाकार, क्रू आणि अभिनेता वरुण धवनच्या खास उपस्थितीत “बिन्नी अँड फॅमिली” चित्रपटाचा ट्रेलर लाँच!

एकता आर कपूर आणि महावीर जैन या दोघांचा नवा कोरा चित्रपट "बिन्नी अँड फॅमिली" लवकरच प्रेक्षकांच्या भेटीस येणार आहे. या चित्रपटाचे पोस्टरही चाहत्यांच्या समोर आले असून, नुकताच या चित्रपटाचा ट्रेलर लाँच करण्यात आला आहे. "बिन्नी अँड फॅमिली" या चित्रपटातून नवाकोरा आणि हृदयस्पर्शी कौटुंबिक कथा सांगणारा अनुभव प्रेक्षकांना मिळणार आहे.

एकता आर कपूर आणि महावीर जैन यांचा “बिन्नी अँड फॅमिली” चित्रपटाचा ट्रेलर लाँच करण्यात आला आहे. अंजिनी धवन पहिल्यांदाच या चित्रपटातून पदार्पण करत असून प्रेक्षकांनी तिच्या या नव्या चित्रपटासाठी ग्रीन सिग्नल दिला आहे. हा चित्रपट या वर्षातील सर्वात मोठे कौटुंबिक मनोरंजन करणारा चित्रपट ठरणार आहे. ट्रेलरने कथेची एक झलक दिली असून ‘हर जनरेशन कुछ कहता है’ असा खास संदेश यातून दिला आहे.

बालाजी टेलिफिल्म्स आणि महावीर जैन प्रस्तुत बिन्नी अँड फॅमिली शशांक खेतान आणि मृघदीप सिंग लांबा यांच्या संयुक्त विद्यमाने संजय त्रिपाठी दिग्दर्शित असून महावीर जैन फिल्म्स निर्मित आणि शिखा के आल्हुवालिया यांच्यासह वेव्हबँड प्रॉडक्शनचे ए झुनझुनवाला यांच्या सहकार्याने होणार आहे.

चित्रपटाबद्दल बोलताना महावीर जैन म्हणाले “आपल्या सर्वांसाठी हा चित्रपट एक परिपूर्ण अनुभव आहे आणि प्रेक्षकांना या हृदयस्पर्शी कथेशी जोडलेले पाहून मला खूप आनंद झाला आहे. माझा विश्वास आहे ‘बिन्नी अँड फॅमिली’ केवळ मनोरंजनच करणार नाही तर कौटुंबिक बंधनांच्या सौंदर्याला महत्त्व देणाऱ्या प्रत्येकाला प्रेरणा देईल.” असे त्यांनी सांगितले.

अंजिनी धवन चा हा पहिला चित्रपट असून या बद्दल बोलताना ती म्हणाली की, “बिन्नी अँड फॅमिली’ माझ्यासाठी नेहमीच खास असेल या भूमिकेने मला कौटुंबिक नातेसंबंधांच्या हृदयात डोकावण्याची गोष्ट दिली आणि हा अनुभव चित्रित करण्याची संधी दिली आहे. अशा अर्थपूर्ण प्रकल्पाचा भाग झाल्याबद्दल मी कायम कृतज्ञ आहे” असे अभिनेत्रीने सांगितले.

चित्रपटाबद्दल निर्मात्यांनी या पूर्वी सांगितलं होते की, ‘बिन्नी आणि फॅमिली’ हा एक नवीन पिढी चा चित्रपट आहे जो आजच्या पिढीतील अंतर शोधतो. चित्रपटाच्या माध्यमातून प्रत्येक पिढीला एकमेकांच्या जवळ आणण्याचे त्यांचे ध्येय असल्याचे निर्मात्यांनी सांगितले. ट्रेलरसह एक नवीन पोस्टर देखील अनावरण करण्यात आल आहे. या चित्रपटात ‘हर जनरेशन कुछ कहता है’ हा प्रभावशाली संदेश देण्यात आला असून जो कुटुंबातील प्रत्येक सदस्याच्या दृष्टिकोनावर प्रकाश टाकणार आहे.’ असे त्यांनी सांगितले.

हे देखील वाचा- सलमानच्या आवाजातील रोमँटिक गाणे You Are Mine झाले रिलीज, भाचा अयान अग्निहोत्री करणार रॅप!

चित्रपटाच्या प्रदर्शनाची तारीख जसजशी जवळ येत आहे तस या चित्रपटाच्या कथेत काय आहे हे पाहण्यासाठी सगळेच उत्सुक आहेत. संजय त्रिपाठी लिखित आणि दिग्दर्शित महावीर जैन फिल्म्स आणि वेव्हबँड प्रॉडक्शनचा झुनझुनवाला निर्मित ‘बिन्नी अँड फॅमिली’ 20 सप्टेंबर 2024 रोजी चित्रपटगृहात रिलीज होणार आहे. या चित्रपटाचा अनुभव घेण्यासाठी नवीपिढी आतुर आहे.