Chhaava: ७२ तासांत ‘छावा’ ने मोडले ५ मोठे रेकॉर्ड; असं करणारा २०२५ मधील ठरला पहिलाच चित्रपट!

विकी कौशलचा 'छावा' हा चित्रपट प्रदर्शित झाल्यापासून बॉक्स ऑफिसवर धुमाकूळ घालत आहे. या चित्रपटाने आतापर्यंत अनेक विक्रम मोडले आहेत. तसेच या चित्रपटाने काय कमाई केली आहे हे पाहुयात.

विकी कौशलचा नवीन चित्रपट ‘छावा’ बॉक्स ऑफिसवर प्रचंड यश मिळवत आहे. लक्ष्मण उतेकर दिग्दर्शित, १४ फेब्रुवारी रोजी थिएटरमध्ये प्रदर्शित झालेल्या या चित्रपटाने पहिल्याच आठवड्यात १०० कोटींचा टप्पा ओलांडला आहे. यासह, रिलीजच्या तिसऱ्या दिवशी त्याने हृतिक रोशन, सलमान खान आणि दीपिका पदुकोण यांच्या हिट चित्रपटांना मागे टाकले आहे. ‘छावा’ची क्रेझ पाहून असे म्हणणे चुकीचे ठरणार नाही की येत्या काळात हा चित्रपट अनेक मोठे रेकॉर्ड मोडू शकतो. चित्रपटाने आतापर्यंत कोणते रेकॉर्ड केले मोडले आहेत हे आपण आता जाणून घेणार आहोत.

वर्षातील सर्वात मोठी ओपनिंग चित्रपट
१४ फेब्रुवारी रोजी प्रदर्शित झालेल्या ‘छावा’ चित्रपटाने ३३.१ कोटी रुपयांची कमाई केली आहे. याचा अर्थ असा की, या चित्रपटाने अक्षय कुमारच्या ‘स्कायफोर्स’ चित्रपटाच्या पहिल्या दिवसाच्या कलेक्शनला मागे टाकले आहे, जे सुमारे २६ कोटी रुपये होते. हे स्पष्ट आहे की या चित्रपटाने आता वर्षातील सर्वात मोठी सुरुवात करणारा चित्रपट असल्याचा विक्रम केला आहे. या बातमीने निर्मात्यांना चांगलाच आनंद झाला आहे.

२४ वर्षीय प्रसिद्ध अभिनेत्रीचे निधन; राहत्या घरात आढळला मृतदेह

१०० कोटींचा टप्पा ओलांडणारा वर्षातील सर्वात जलद चित्रपट
छावा’ हा चित्रपट प्रदर्शित झाल्यापासून बॉक्स ऑफिसवर धुमाकूळ घालत आहे. चित्रपट पाहण्यासाठी थिएटर भरलेले दिसत आहेत. दरम्यान, या चित्रपटाने वर्षातील सर्वात जलद १०० कोटी क्लबमध्ये सामील होऊन आणखी एक विक्रम रचला आहे. हा चित्रपट प्रेक्षकांच्या चांगलाच पसंतीस पडला आहे. या चित्रपटाला प्रेक्षकांचा चांगलाच प्रतिसाद मिळाला आहे.

व्हॅलेंटाईन डे वरील सर्वात मोठी ओपनिंग
याशिवाय ‘छावा’ने ‘गली बॉय’ या चित्रपटाला मागे टाकत व्हॅलेंटाईन डेच्या सर्वात मोठ्या ओपनिंग चित्रपटाच्या यादीत नाव मिळवले आहे. २०१९ मध्ये व्हॅलेंटाईन डेच्या निमित्ताने प्रदर्शित झालेल्या ‘गली बॉय’ चित्रपटाने पहिल्या दिवशी १९ कोटी रुपये कमावले होते, तर या चित्रपटाने पहिल्याच दिवशी ३३ कोटी रुपये कमावले होते.

Oscar 2025 मध्ये हृतिक रोशनचा जलवा; १७ वर्षे जुन्या ‘या’ चित्रपटाची होणार स्पेशल स्क्रिनिंग

विकी कौशलची सर्वात मोठी हिट गाणी
‘छावा’ या चित्रपटाने विकी कौशलला त्याच्या कारकिर्दीतील सर्वात मोठा हिट चित्रपट दिला आहे. या चित्रपटाने पहिल्या आठवड्यात सुमारे ११७ कोटी रुपयांचा व्यवसाय करून विकी चित्रपटांच्या इतर सर्व चित्रपटांना मागे टाकले आहे. अभिनेत्याचा अभिनय प्रेक्षकांना चांगलाच आवडलेला दिसत आहे. तसेच या चित्रपटाला भरभरून प्रतिसाद मिळत आहे.

या चित्रपटाने ‘फायटर’ आणि ‘पद्मावत’ला मागे टाकले
‘छावा’ चित्रपटाने पहिल्याच आठवड्यात ११६.५ कोटी रुपयांची कमाई केली आहे. मीडिया रिपोर्ट्सनुसार, या कलेक्शनसह ‘छावा’ने हृतिक रोशनचा ‘फायटर’, सलमान खानचा ‘टायगर जिंदा है’ आणि ‘पद्मावत’ सारख्या ब्लॉकबस्टर चित्रपटांना मागे टाकले आहे. ‘फायटर’ने पहिल्या आठवड्यात ११५.३० कोटी रुपये, ‘टायगर जिंदा है’ने ११४.९३ कोटी रुपये आणि ‘पद्मावत’ने ११४ कोटी रुपये कमावले होते.