(फोटो सौजन्य-Instagram)
बॉलीवूड इंडस्ट्रीमध्ये कलाकारांना स्वत:ला आणि त्यांच्या कामाचा प्रचार करणे खूप गरजेचे वाटते. परंतु, असे करताना अनेक कलाकार आपली मर्यादा ओलांडतात. कलाकारांना फक्त आपल्या चाहत्यांना संदेश द्यायचा असतो परंतु नंतर ते असं काही करतात की, त्याने चाहते संतापतात आणि त्या अभिनेत्याला ट्रॉल करतात. अलीकडेच विजय वर्मा यांनीही असेच काहीसे केले आहे. आणि ते पाहून त्याच्या चाहत्यांना त्याचा राग आला आहे.
विजय वर्मा हा प्रसिद्ध अभिनेता आहे
विजय वर्मा, प्रसिद्ध बॉलीवूड अभिनेता असून, एक मोठा OTT कलाकार देखील आहे. चाहते त्याला ‘डार्लिंग्स’, ‘लस्ट स्टोरीज 2’ आणि ‘मिर्झापूर’मुळे ओळखतात. डार्लिंग्स चित्रपटातील त्याच्या अभिनयाचे खूप कौतुक झाले. यामुळेच आलिया भट्ट आणि शेफाली शाह यांच्या उपस्थितीतही प्रेक्षकांचे त्याच्या अभिनयावर लक्ष होते. पण अलीकडेच अभिनेता विजय वर्मा यांच्याकडून एक चूक झाली, ज्यासाठी त्याला चाहत्यांची माफी मागावी लागली आहे.
विजयने त्यांच्या मृत्यूशी संबंधित शेअर केली पोस्ट
विजय वर्मा यांनी नुकतीच त्यांच्या मृत्यूशी संबंधित एक पोस्ट शेअर केली आहे. त्याने स्वतःचा एक फोटो शेअर केला आहे, ज्यामध्ये तो कॅप्टनच्या लूकमध्ये दिसत आहे. त्यासोबत लिहिले आहे, ‘हमजा अब्दुल शेख. प्रेमळ नवरा आणि जावई. कुराणखानी प्रार्थना सोमवारी सायंकाळी साडेपाच वाजता.विजयची ही पोस्ट पाहून अनेक चाहते आश्चर्यचकित झाले. यावरून लोकांनी त्याला ट्रोलही केले. ‘अशा बातम्या शेअर करून मन दुखवू नका’ अशी प्रतिक्रिया एका यूजरने दिली आहे. एकाने लिहिले, ‘मला काही सेकंदांसाठी हृदयविकाराचा झटका आला.’ असे प्रतिसाद चाहत्यांकडून अभिनेत्याला येऊ लागले.
विजयने ही पोस्ट का शेअर केली
खरंतर, विजय वर्माच्या डार्लिंग्ज या चित्रपटाला दोन वर्षे पूर्ण झाली आहेत. या चित्रपटात त्याने हमजा शेखची भूमिका साकारली होती. हमजा हा एक माणूस होता जो आपल्या पत्नीला मारहाण करायचा आणि बदला घेण्यासाठी एके दिवशी त्याची पत्नी त्याला मारते. विजयने याचशी संबंधित पोस्ट शेअर करत लिहिले की, ‘हमजा आम्हा सर्वांना स्वर्गाच्या सहलीसाठी सोडून दोन वर्षे झाली आहेत. हमजा प्रिये तुझी खूप आठवण येते.’ असे लिहून अभिनेत्याने ही पोस्ट शेअर केली.
हे देखील वाचा- इलियाना डिक्रूझच्या मुलाला एक वर्ष पूर्ण, अभिनेत्रीने शेअर केली भावनिक पोस्ट!
विजय वर्माने चाहत्यांची मागितली माफी
या पोस्टच्या कमेंट सेक्शनमध्ये विजय वर्मा यांनी माफीही मागितली आहे. त्याने लिहिले, ‘माफ करा मित्रांनो, तुम्हाला घाबरवण्याचा माझा हेतू नव्हता. हा चित्रपटाचा स्क्रीनशॉट आहे. हा चित्रपटच डार्क कॉमेडी केला आहे म्हणून पोस्ट देखील…’असं लिहून त्याने चाहत्यांची माफी मागितली आहे. तसेच त्यांना दुखवण्याचा कोणताही हेतू नव्हता हे देखील स्पष्ट करून सांगितले.
.png "Videos"){kind=small}
