Zakir Hussain : उस्ताद झाकीर हुसैन यांची तब्येत बिघडली, तातडीने रुग्णालयात दाखल

जगप्रसिद्ध तबलावादक उस्ताक झाकीर हुसेन यांची तब्येत बिघडल्याची माहिती समोर येत आहे. झाकीर हुसेन यांना सध्या आयसीयूमध्ये दाखल करण्यात आले आहे.

जगप्रसिद्ध तबलावादक उस्ताक झाकीर हुसेन यांची तब्येत बिघडल्याची माहिती समोर येत आहे. झाकीर हुसेन यांना सध्या आयसीयूमध्ये दाखल करण्यात आले असून त्यांच्यावर अमेरिकेतील सॅन फ्रान्सिस्को येथील रुग्णालयात उपचार सुरू आहेत. झाकीर हुसेन यांना तातडीने रुग्णालयात दाखल केल्याची माहिती त्यांचे जवळचे मित्र आणि बासरीवादक राकेश चौरसिया यांनी दिली आहे.

महाराष्ट्राच्या दादा-वहिनीच्या फोटोंची सोशल मीडियावर चर्चा, फॅशनने वेधलं लक्ष

झाकीर हुसेन यांना रुग्णालायत दाखल केल्याच्या बातमीने त्यांचे लाखो चाहते सोशल मीडियाच्या माध्यमातून त्यांच्यासाठी प्रार्थना करत आहेत. गेल्या अनेक वर्षांपासूनचे त्यांचे संगीत क्षेत्रातील योगदान अमुल्य आहे. त्यांचे चाहते एकट्या भारतात नसून जगभरात आहेत. त्यांच्या प्रकृतीची बातमी सोशल मीडियावर वाऱ्यासारखी पसरली आहे.

झाकीर हुसैन यांचे जवळचे मित्र आणि बासरीवादक राकेश चौरसिया यांनी दिलेल्या माहितीनुसार, गेल्या आठवड्यातच झाकीर यांना हृदयाशी संबंधित समस्यांमुळे रुग्णालयात दाखल करण्यात आले होते, पण आता सध्या झाकीर हुसेन यांची प्रकृती चिंताजनक आहे. शिवाय, पीटीआयने दिलेल्या वृत्तानुसार, झाकीर हुसैन यांच्या जवळच्या व्यक्तीच्या हवाल्याने सांगितले की, ७३ वर्षीय झाकीर हुसैन यांना दीर्घ काळापासून रक्तदाबाशी संबंधित समस्या आहे.

 

See more

Ustad Zakir Hussain, Tabla player, percussionist, composer, former actor and the son of legendary Tabla player, Ustad Allah Rakha is not well. He’s being treated for serious ailments in a San Francisco hospital, USA, informed his brother in law, Ayub Aulia in a phone call with… pic.twitter.com/6YPGj9bjSp — Pervaiz Alam (@pervaizalam) December 15, 2024

पत्रकार परवेझ आलम यांनीदेही झाकीर हुसेन यांच्या तब्येतीची माहिती दिली आहे. त्यांनी झाकीर यांचा फोटो एक्सवर (पूर्वीचे ट्विटर) शेअर करत सांगितले की, ‘महान तबलावादक अल्ला राखा यांचे पुत्र उस्ताद झाकीर हुसेन यांची तब्येत ठीक नाही. त्यांच्यावर अमेरिकेतील सॅन फ्रान्सिस्को रुग्णालयात उपचार सुरू आहेत. त्यांचे मेहुणे आयुब औलिया यांनी मला फोनवरून ही माहिती दिली. लंडनमध्ये राहणाऱ्या औलिया साहेबांनी चाहत्यांना प्रार्थना करण्याचे आवाहन केले आहे.’ दरम्यान, ही माहिती सोशल मीडियावर वाऱ्यासारखी पसरली असून, चाहते त्यांना लवकरात लवकर ठीक होण्यासाठी प्रार्थना करत आहेत.

बिष्णोई समाजाच्या बलिदानाची कहाणी येतय प्रेक्षकांच्या भेटीला, ‘साको 363’ चा थरारक टीझर रिलीज

उस्ताद झाकीर हुसेन यांचा जन्म 1951 मध्ये महाराष्ट्राची राजधानी मुंबई येथे झाला. झाकीर हुसेन यांना भारत सरकारचे महत्वाचे मानल्या जाणाऱ्या पद्मश्री, पद्मभूषण आणि पद्मविभूषण यांसारख्या पुरस्कारांनी सन्मानित करण्यात आले आहे. झाकीर हुसैन यांचे नाव जगभर प्रसिद्ध असून भारतासह अनेक देशांमध्ये त्यांचे करोडो चाहते आहेत. ७३ वर्षीय झाकीर हुसेन यांनी वयाच्या तिसऱ्या वर्षापासूनच तबला वाजवण्याचा सराव सुरू केला होता. वयाच्या ७ व्या वर्षी त्यांनी प्रोफेशनल पद्धतीने तबला वाजवायला सुरुवात केली होती. तर वयाच्या ११ व्या वर्षी झाकीर हुसेन यांनी वेगवेगळ्या ठिकाणी जाऊन कार्यक्रमांमध्ये आपले कौशल्य दाखवायला सुरुवात केली होती.

किर्ती सुरेशने बॉयफ्रेंडसोबत गोव्यात बांधली लग्नगाठ, पाहा Photo

उस्ताद झाकीर हुसेन हे पहिले भारतीय संगीतकार आहेत, ज्यांना अमेरिकेचे माजी राष्ट्राध्यक्ष बराक ओबामा यांनी व्हाईट हाऊसमध्ये ऑल-स्टार ग्लोबल कॉन्सर्टमध्ये सहभागी होण्यासाठी व्हाईट हाऊसमध्ये आमंत्रित केले होते. झाकीर हुसेन यांनी केवळ तबला वादक म्हणून काम केले नाही तर ते एक उत्कृष्ट अभिनेता देखील आहेत, त्यांनी 80 च्या दशकातील काही चित्रपटांमध्येही काम केले आहे. याशिवाय, १९९९ मध्ये त्यांना यूएस नॅशनल एन्डॉवमेंट फॉर द आर्ट्सद्वारे राष्ट्रीय वारसा फेलोशिप प्रदान करण्यात आली, त्यानंतर त्यांना भारतीय शास्त्रीय संगीताचे जागतिक राजदूत म्हणून मान्यता मिळाली.