Jahnavi Killekar Photos
‘बिग बॉस मराठी’च्या पाचव्या पर्वाच्या दिमाखदार ग्रँड फिनालेला सुरुवात झाली आहे. या ग्रँड फिनालेला सूरज चव्हाण, धनंजय पोवार, अंकिता प्रभू-वालावलकर, जान्हवी किल्लेकर, अभिजीत सावंत आणि निक्की तांबोळी या टॉप ६ सदस्यांचे परफॉर्मन्स चार चाँद लावणार आहेत. पण या सगळ्यांमध्ये ग्रँड फिनालेला रितेश भाऊ आपल्या खास अंदाजात जलवा दाखवतानाही दिसणार आहे. ‘बेबी ब्रिंग इट ऑन’ या गाण्यावर रितेश भाऊ जलवा दाखवताना दिसला. रितेश देशमुख आणि सर्व प्रेक्षकांसह जबरदस्त परफॉर्मन्स सादर केल्यानंतर ‘भाऊचा धक्का’वर रितेश देशमुख यांनी स्पर्धकांना मोठा धक्का दिला आहे.
हे देखील वाचा – रितेश देशमुख दोन आठवडे कुठे होता ? अखेर केला खुलासा
रितेश देशमुखने बिग बॉसच्या घरात येऊन स्पर्धकांना सुपर ६ स्पर्धकांना लाखो रुपयांची ऑफर केली आहे. यावेळी रितेशने सुपर ६ स्पर्धकांना ९ लाख रुपयांची ऑफर दिली आहे. ही ऑफर जान्हवी किल्लेकर या स्पर्धकाने स्वीकारली आहे. जान्हवी किल्लेकर हिचा आता बिग बॉसच्या घरातील प्रवास संपलाय. आता बिग बॉसच्या घरात सूरज चव्हाण, अंकिता वालावलकर, अभिजीत सावंत, निकी तांबोळी आणि धनंजय पोवार हे आहेत.
जान्हवी भावुक होत म्हणाली, “मी उद्धट बोलले, मोठ्यांचा अपमान केला. मला माहितीये की, लोकांचा राग शांत झालेला नाहीये. हा गेम आहे आणि हा बिग बॉसने दिलेला एक टास्क आहे. टास्क पूर्ण नाही केला, तर बिग बॉस चिडतात. मी प्रायश्चित म्हणून हा बझर वाजवते आणि हा खेळ सोडते.” यावेळी अभिनेत्रीला पु. ना. गाडगीळ अँड सन्सकडून १ लाख रुपयांचं गिफ्ट हँपर मिळालं आहे.
.png "Videos"){kind=small}
