अभिनेत्री विशाखा सुभेदारने मुलाच्या वाढदिवसानिमित्त लिहिली खास पोस्ट; म्हणाली, “तु जेव्हा कामात असतोस तेव्हा…”

स्टार प्रवाहवरील 'शुभ विवाह' मालिका आणि 'पाणी पुरी' चित्रपटामुळे चर्चेत राहिलेल्या अभिनेत्री विशाखा सुभेदारचा मुलगा अभिनय सुभेदारचा आज वाढदिवस आहे. खास लेकासाठी अभिनेत्रीने पोस्ट लिहिली आहे.

स्टार प्रवाहवरील ‘शुभ विवाह’ मालिका आणि ‘पाणी पुरी’ चित्रपटामुळे चर्चेत राहिलेली अभिनेत्री विशाखा सुभेदार सध्या खासगी आयुष्यामुळे चर्चेत आली आहे. कायमच आपल्या चित्रपटामुळे किंवा मालिकेमुळे प्रकाशझोतात राहणाऱ्या अभिनेत्रीने सोशल मीडियावर खास आपल्या लेकासाठी पोस्ट शेअर केली आहे. विशाखाचा मुलगा अभिनय सुभेदारचा आज वाढदिवस आहे. त्यानिमित्ताने अभिनेत्रीने सोशल मीडियावर खास पोस्ट लिहिली आहे.

हे देखील वाचा- मालिकेच्या सेटवर निशिगंधा वाड यांचा अपघात, तात्काळ केलं रुग्णालयात भरती, आता कशी आहे तब्येत?

अभिनेत्री विशाखा सुभेदारने मुलाच्या वाढदिवसानिमित्ताने दोन पोस्ट फेसबुकवर शेअर केल्या आहेत. पहिल्या पोस्टमध्ये विशाखा सुभेदारने मुलगा परदेशी जातानाचा व्हिडीओ शेअर करत लिहिलंय की, “वाढदिवसाच्या हार्दिक हार्दिक शुभेच्छा अभिनय सुभेदार…. जे जे तुला हवं ते ते ईश्वर तुला देवो… परदेशात तुझं स्वामी रक्षण करोत… दत्त म्हणून नेमका सज्जन माणूस तुझ्या पुढ्यात उभा रहो… आईसाहेब वणीस्थानी राहून तुझ्यावर लक्ष ठेवून आहेतच… आणि ह्या आईकडून तुला खुप खुप आशीर्वाद आणि प्रेम”

तर दुसऱ्या पोस्टमध्ये अभिनेत्रीने ‘शुभविवाह’मालिकेच्या सेटवरील अभिनयचा एक व्हिडीओ शेअर केला आहे. त्या व्हिडिओला कॅप्शन देत अभिनेत्रीने लिहिलंय की, “जेव्हा आपण एकत्र ‘शुभविवाह’च्या सेटवर काम करायचो. तेव्हा हा व्हिडीओ मी गुपचूप केला होता… मला वाटलं होतं की कामाच्या ठिकाणी फोनवर होतास तू. नंतर तू मला दाखवलं… प्रॉपर्टी काढत होतास ते… बऱ्याचदा असंच होतं की मला वाटतं की पोरगं टंगळ मंगळ करतंय. पण तू फोकस राहून काम करत होतास. तु जेव्हा कामात असतोस तेव्हा 100 % कामात आणि आरामात असतोस तेव्हा 100% आरामात… हें अस राहणं खुप अवघड असतं खरंतर… पण तुमच्या पिढीला जमतं बाई हें असा चिल्ड राहणं. आणि तरीही ऑन off बटण कधी वापरायचं हे देखील तुला माहित आहे… मुळातच खुप बॅलेंस असलेला आहेस तु… असाच रहा… खुप मोठा हो… आणि जे शिकायला परदेशी गेलायस ते सगळं शिक्षण पूर्ण करून, छान अनुभवाने मोठा होऊन ये. देव तुला जे जे हवं ते ते देवो… हेच देवाकडे आईचं मागणं अभिनय तुला वाढदिवसाच्या खूपखूप शुभेच्छा… खुप खूप प्रेम अबुली…!”