मालिकेच्या सेटवर निशिगंधा वाड यांचा अपघात, तात्काळ केलं रुग्णालयात भरती, आता कशी आहे तब्येत?
मराठी फिल्मइंडस्ट्रीतून एक चिंताजनक बातमी समोर येत आहे. ‘सुमन इंदोरी’ मालिकेच्या सेटवर शुटिंग दरम्यान अभिनेत्री निशिगंधा वाड यांचा अपघात झाला आहे. दुखापतीमुळे त्यांना रुग्णालयात भरती करण्यात आले आहे. सेटवरील एका दृश्याच्या शुटिंगवेळी अभिनेत्रीचा अपघात झाला आहे. अभिनेत्रीच्या अपघातामुळे मालिकेतील कलाकारांना आणि क्रू मेंबर्सलाही धक्का बसला आहे. मालिकेमध्ये अभिनेत्रीने सुमित्रा मित्तलचे पात्र साकारत आहे.
मालिकेच्या शुटिंगदरम्यान, निशिगंधा एक सिक्वेन्स शूट करत असताना त्यांचा पाय घसरला. त्यामुळे त्यांच्या पायाला जबरदस्त दुखापत झाल्याची माहिती मिळत आहे. मिळालेल्या माहितीनुसार, अभिनेत्रीला तात्काळ वैद्यकीय उपचारासाठी जवळच्या रुग्णालयात नेण्यात आले आहे. सुदैवाने त्यांची प्रकृती स्थिर असून डॉक्टरांनी त्यांना काही दिवस विश्रांती घेण्याचा सल्ला दिला आहे. या घटनेनंतर, कलाकार आणि क्रू यांच्या सुरक्षिततेची खात्री करण्यासाठी खबरदारीचा उपाय म्हणून शूटिंग तात्पुरते थांबवण्यात आले.
हे देखील वाचा- बिग बॉसचा गेम बदलणार, करणवीर मेहराला मिळाला मित्राकडून रिअ‍ॅलिटी चेक!
अभिनेत्रीचा अपघात झाल्यानंतर मालिकेच्या प्रॉडक्शन टीममधील व्यक्तीने दिलेल्या माहितीनुसार, “हा एक अनपेक्षित अपघात होता आणि निशिगंधा यांची आता तब्येत व्यवस्थित असल्यामुळे आम्हाला काही काळासाठी का होईना समाधान वाटत आहे. ते एक खंबीर व्यक्तिमत्व आहे. आम्ही सर्वजण त्यांच्या लवकरात लवकर बरे होण्यासाठी प्रार्थना करत आहोत. भविष्यात असे अपघात टाळण्यासाठी सुरक्षा प्रोटोकॉलची अंमलबजावणी केली जाईल, असं आम्ही आश्वासन देतो.”
हे देखील वाचा- कियारा अडवाणीचा हटके लुक पाहून चाहते घायाळ! लाल रंगात रंगली अभिनेत्री
९० च्या दशकातील मराठी चित्रपटांमधील भूमिकांसाठी निशिगंधा वाढ ओळखल्या जातात. निशिगंधा वाढ यांच्या कामाविषयी सांगायचे तर त्यांनी ‘घर संसार’, ‘शेजारी शेजारी’, ‘बाळा जो जो रे’, ‘प्रेमांकूर’, ‘माणूस’, ‘नवरा माझ्या मुठीत गं’, ‘गृहप्रवेश’, ‘बंधन’, ‘वाजवा रे वाजवा’, ‘रंग प्रेमाचे’, ‘जन्मठेप’, ‘लई झकास’ यांसारख्या चित्रपटांतून त्यांनी प्रेक्षकांची मन जिंकलेय. मराठी- हिंदी चित्रपट आणि हिंदी मालिकांतून निशिगंधा यांनी आपलं नाव अजमावलं आहे.
