(फोटो सौजन्य- इन्स्टाग्राम)
मराठी अभिनेत्री प्राजक्ता माळी सध्या तिच्या ‘फुलवंती’ चित्रपटामुळे चर्चेत आहे. तिच्या अभिनयाने प्रेक्षकांची मने जिंकली. या चित्रपटासाठी तिला अनेक पुरस्कारांनी सन्मानित करण्यात आले आणि तिने कौतुक देखील झाले. ‘फुलवंती’ चित्रपटामध्ये तिने मुख्य साकारली पण त्याचबरोबर तिने चित्रपटाची निर्मातीही केली. प्राजक्ता माळी तिच्या अभिनयाबरोबरच महाराष्ट्राचा लोकप्रिय शो ‘महाराष्ट्राची हास्यजत्रा’मधील तिच्या अँकरींगसाठीही ओळखली जाते. ‘वा दादा वा’ आणि प्राजक्ताचं एक वेगळं समीकरण नेहमीच प्रेक्षकांना पाहायला मिळालं आहे. तिच्या ‘वा दादा वा’ या वाक्यावरून लोक तिला ओळखतात हे पुन्हा एकदा सिद्ध झाले आहे. राज्याचे मुख्यमंत्री देवेंद्र फडणवीस देखील प्राजक्ताच्या ‘वा दादा वा’चे चाहते आहेत.
‘बिग बॉस कन्नड’च्या सेटवर पोलिसांची धाड, सेट केला सील; जाणून घ्या कुठे गेले सर्व स्पर्धक?
मुख्यमंत्री देवेंद्र फडणवीस यांनी नुकतीच झी 24 तास या वृत्त वाहिनीच्या कार्यक्रमात हजेरी लावली होती. त्यांनी प्रत्येक पुरस्कार विजेत्यांचे नाव घेऊन त्यांचं कौतुक केले. मुख्यमंत्री फडणवीस यांच्याकडून अभिनेत्री प्राजक्ती माळी हिचाही उल्लेख करून हास्यजत्रेतील गाजलेली ‘वाह दादा वाह’ चे फॅन असल्याचे ते म्हणाले. देवेंद्र फडणवीस यांच्या या वक्तव्यामुळे ते प्राजक्ताचे चाहते आहेत हे स्पष्ट झाले आहे. प्राजक्ताच्या तोंडून ‘वा दादा वा’ ऐकायला चाहत्यांना देखील आवडते. तिचा आवाज आणि अभिनयाची शैली प्रेक्षकांचं मन जिंकते.
मुख्यमंत्री देवेंद्र फडणवीस म्हणाले की, “आजच्या कार्यक्रमाला अनेक जण आले आहेत. प्राजक्ता माळी त्यांनी फार सुंदर अशा प्रकारचा अभिनय केला आहे. मगाशी मी बसलो होतो माझं लक्ष नव्हतं की प्राजक्ता तिथे बसल्या आहेत. पण अचानक ‘वा दादा वा’ ऐकायला आले. तेव्हा माझ्या लक्षात आलं की प्राजक्ताशिवाय दुसरं कुणी असू शकत नाही.” हे ऐकून सगळे हसू लागले.
मुख्यमंत्र्यांनी केलेलं कौतुक पाहून प्राजक्ता माळी देखील खुश झाली. तिने तिच्या इन्स्टाग्राम स्टोरीवर शेअर करत कृतज्ञता व्यक्त केली. तिनं कॅप्शनमध्ये लिहिलं, ‘वा दादा वा’ या हाइटवर पोहोचलं आहे हे माहिती नव्हतं.’
प्राजक्ता माळीच्या वर्कफ्रंटबद्दल बोलायचं झालं तर, फुलवंती सिनेमानंतर प्राजक्ता पुन्हा महाराष्ट्राची हास्यजत्रा या शोमध्ये पतरली आहे. प्राजक्ताचे आगामी प्रोजेक्ट पाइपलाइनमध्ये आहेत. तर दुसरीकडे प्राजक्ता माळी तिच्या बिझनेसमध्येही प्रगती करताना दिसते आहे. तिच्या प्राजक्तराज या ज्वेलरी ब्रँडचं सर्वत्र कौतुक होत आहे. आता पुढे अभिनेत्रीचे कोणते नवनवीन प्रोजेक्ट येतील हे पाहण्यासाठी चाहते उत्सुक आहेत.
.png "Videos"){kind=small}
