(फोटो सौजन्य - सोशल मीडिया)
मुलगी किंवा बायका न आवडणाऱ्या तरुणाच्या आयुष्यात एक नाही तर चक्क दोन तरुणी प्रवेश करतात आणि त्या तरुणाचं काय होतं याची धमाल, मनोरंजक गोष्ट ‘मनमौजी’ या चित्रपटातून उलगडणार आहे. या चित्रपटाचा ट्रेलर नुकताच लाँच झाला असून, आतापर्यंत पोस्टर आणि टीजरमध्ये दिसलेल्या फ्रेशनेसमुळे चित्रपटाविषयी आधीच असलेलं कुतुहल आता आणखी वाढले आहे. उत्तम स्टारकास्ट असलेला “मनमौजी” हा चित्रपट ८ नोव्हेंबर रोजी संपूर्ण महाराष्ट्रात प्रदर्शित होणार आहे.
गुलाबजाम, लॉस्ट अँड फाऊंड अशा चित्रपटांची निर्मिती केलेल्या गोल्डन गेट मोशन पिक्चर्सच्या विनोद मलगेवार यांनी “मनमौजी” चित्रपटाची निर्मिती केली आहे. चित्रपटाचं लेखन आणि दिग्दर्शन शीतल शेट्टी यांचे असून हृषिकेश जोशी यांनी संवाद लेखन केले आहे. प्रसाद भेंडे यांनी कॅमेरामन म्हणून काम पाहिले आहे. तसेच, क्षितिज पटवर्धन आणि वलय मुळगुंद यांनी गीतलेखन, अमितराज यांनी या चित्रपटाचे संगीत दिग्दर्शन केले आहे. चित्रपटात अभिनेता भूषण पाटील अभिनेत्री सायली संजीव, सिनेसृष्टीत प्रथमच पदार्पण करणारी रिया नलावडे, जयवंत वाडकर, अरुण नलावडे, भाऊ कदम यांच्या प्रमुख भूमिका आहेत. फिल्मास्त्र स्टुडिओज या चित्रपटाचे वितरक म्हणून काम पाहणार आहे.
अभिनेता भूषण पाटील याने छावा या चित्रपटामधून मराठी सिनेमासृष्टीत पदार्पण केले. आणि आता तो “मनमौजी” चित्रपटामध्ये हॅंडसम व्यक्तिरेखा साकारणार आहे. तसेच या चित्रपटामधील अभिनेत्री सायली संजीवने अनेक मराठी चित्रपटामध्ये तसेच मालिकेत काम केल्यानंतर ती पुन्हा एकदा मोठ्या पडद्यावर झळकणार आहे. “मनमौजी” हा चित्रपट येत्या नोव्हेंबरमध्ये प्रदर्शित होणार आहे.
हे देखील वाचा – शर्वरी वाघचा ब्लॅक हॉट मिनी स्कर्ट लुक, टेनिस खेळताना दिसली सौंदर्यवती
मुलींपासून चार हात लांब राहणाऱ्या तरुणाच्या आयुष्यात दोन तरुणी येतात, त्यानंतर या तरुणाचे मुलींविषयीचे विचार बदलतात का? त्याचं प्रेम जडतं का? अशा आशयसूत्रावर “मनमौजी” हा चित्रपट बेतला आहे. प्रेमकथेशिवाय कथेला अनेक भावनिक पदर असल्याचंही तुम्हाला ट्रेलरमधून पाहायला मिळणार आहे. उत्तम कलाकार, रंजक गोष्ट, नेत्रसुखद लोकेशन्स, श्रवणीय संगीत याचा मिलाफ “मनमौजी” चित्रपटातून नक्कीच अनुभवायला मिळणार आहे. “मनमौजी” हा चित्रपट येत्या ८ नोव्हेंबरला चित्रपटगृहात प्रदर्शित होणार आहे.
.png "Videos"){kind=small}
