(फोटो सौजन्य- इन्स्टाग्राम)
धरमजींच्या आठवणीत री- रिलीज होणार Yamla Pagla Deewana; बाप- लेकांची जोडी पुन्हा पडद्यावर झळकणार
‘बिग बॉस मराठी ६ चा बिगुल वाजलाय… आणि महाराष्ट्र सज्ज झालाय आपल्या लाडक्या भाऊसोबत पुन्हा एकदा या प्रवासात सहभागी होण्यासाठी. बिग बॉस मराठी सिझन ६ सुरू होतोय ११ जानेवारीपासून दररोज रात्री ८ वा. आपल्या कलर्स मराठी आणि JioHotstar वर.’ असे लिहून निर्मात्यांनी हा प्रोमो शेअर केला. आणि चाहते आता हा नवा सिझन पाहण्यासाठी खूप उत्सुक आहे. या नव्या सिझनची थिम काय आहे? यामध्ये कोणते कलाकार सहभागी होणार? हे सगळं लवकरच प्रेक्षकांना समजणार आहे.
पारंपरिक वेशभूषेत आणि दमदार स्वॅगमध्ये दिसणारा रितेश देशमुख म्हणजे केवळ शोचा होस्ट नाही, तर तो महाराष्ट्राचा ‘आपला भाऊ’ आहे, हे या प्रोमोने पुन्हा एकदा अधोरेखित केलं आहे. ढोल-ताशांच्या गजरात, भव्य मिरवणुकीतून होणारी त्यांची एन्ट्री, हजारो लोकांचा जल्लोष आणि आजीच्या मिठीतला हळवा क्षण… प्रत्येक फ्रेममधून आपुलकी, संस्कृती आणि महाराष्ट्रप्रेम ओसंडून वाहत आहे. त्यामुळेच हा प्रोमो पाहणाऱ्यांसाठी फक्त एक घोषणा न राहता एक भावनिक अनुभव ठरत आहे.
“मागचा सिझन वाजवलाय, यंदाचा गाजवायचाय… आहात ना तयार!” या कडक संवादाने प्रेक्षकांची धडधड आणखी वाढवली आहे. यंदा स्वॅग तोच असणार असला, तरी पॅटर्न मात्र भाऊचा असणार. घरात कोण येणार, कोणाची परीक्षा होणार, कोणाचं नशीब फळाला येणार हे सगळं अजून गुपित असलं, तरी चर्चांना मात्र उधाण आलं आहे. महाराष्ट्रात सध्या एकच विषय, एकच उत्सुकता बिग बॉस मराठी सिझन ६ ची चर्चा होत आहे. या प्रोमोसोबतच बिग बॉस मराठीच्या नव्या सिझनची अधिकृतपणे घोषणा झाली असून, प्रेक्षक सज्ज झाले आहेत एका नव्या, उत्साही आणि भावनिक प्रवासासाठी.
.png "Videos"){kind=small}
