Jahnavi Killekar On Trollers: ‘नवरा विकला का काय?’ म्हणणाऱ्या ट्रोलर्सना जान्हवी किल्लेकरचं सडेतोड उत्तर; VIDEO व्हायरल

Jahnavi Killekar On Trollers: बिग बॉस मराठी ५मुळे घराघरात पोहोचलेली जान्हवी किल्लेकर सध्या तिच्या गणेशोत्सवातील रिलमुळे चर्चेत आहे. ‘सण गौरी गणपतीचा आला’ या गाण्यावर जाऊबाईंसोबत डान्स करतानाचा व्हिडिओ तिने सोशल मीडियावर शेअर केला.

• गणेशोत्सवातील जान्हवी किल्लेकरची डान्स रिल सोशल मीडियावर चर्चेत.
• गणपतीकडे पाठ करून नाचल्याचा आरोप करत नेटकऱ्यांनी तिला ट्रोल केलं.
• जान्हवीने व्हिडिओ शेअर करत ट्रोलर्सना सडेतोड उत्तर दिलं.

Jahnavi Killekar On Trollers: बिग बॉस मराठी 5 मुळे जान्हवी किल्लेकर हे नाव घराघरात पोहोचलं. बिनधास्त बोलणं, वाद घालणं, स्पष्ट मत मांडणं यामुळे ती पूर्ण सीजन चर्चेत होती. बिग बॉस संपला तरी जान्हवीची चर्चा काही संपली नाही. ती सोशल मीडियावर खूप अॅक्टिव्ह असते आणि नेहमीच आपले फोटो, रिल्स शेअर करत असते.आता गणेशोत्सव सुरू आहे आणि जान्हवीने पण बाप्पासाठी एक रिल बनवली होती. ‘सण गौरी गणपतीचा आला’ या गाण्यावर तिने डान्स केला होता. पण यावरूनच तिला ट्रोल करायला सुरुवात झाली. लोक म्हणाले की ती गणपतीकडे पाठ करून नाचतेय. यावर आता जान्हवीनेच सडेतोड उत्तर दिलं आहे.

नेमकं काय घडलं?

गणपतीच्या पहिल्या दिवशी जान्हवीने एकदम साधा लूक केला होता. मेकअप नव्हता, कपाळावर टिकली, गळ्यात मंगळसूत्र आणि सुंदर साडी. तिने देवासमोर हात जोडून फोटो टाकले होते. त्यावर एकाने कमेंट केली की ‘नवरा विकला का काय?’. दुसऱ्या दिवशी तिने आणि तिच्या जाऊबाईंनी मिळून ‘सण गौरी गणपतीचा आला’ गाण्यावर रिल बनवली. त्यात त्या नाचत होत्या. बस, एवढ्यावरून लोकांनी तिला पकडलं. कमेंट करायला लागले की देवाकडे पाठ करून नाचताय, लाज नाही वाटत का?

जान्हवीने दिलं तिखट उत्तर

या सगळ्या ट्रोलिंगवर जान्हवीने एक व्हिडिओ बनवून उत्तर दिलं आहे. त्या व्हिडिओमध्ये ती म्हणते, “हाय, हॅलो नमस्कार. आजचा हा व्हिडिओ माझ्या ट्रोलर्ससाठी आहे. खरंतर मला आज प्रचंड हसायला येतंय. मला अजिबात वाईट वाटत नाहीये, कारण तुम्हाला माझ्या प्रत्येक व्हिडिओमध्ये काही ना काही चुका काढायच्याच असतात.

“ती पुढे म्हणाली, “पहिल्या दिवशी साधा लूक केला, देवासमोर हात जोडले, तर नवरा विकला का अशी कमेंट करता. दुसऱ्या दिवशी नाचले तर देवाकडे पाठ करून नाचते म्हणता. काहीतरी पटेल असं तरी बोला.”

जान्हवी इथेच थांबली नाही. ती म्हणाली की हेच लोक गणपती विसर्जन, दहीहंडी, नवरात्रीत देवीसमोर बायकांना नाचवतात. तेव्हा चालतं का? तेव्हा देवाकडे पाठ नसते का? पण जान्हवीने नाचलं की लगेच ज्ञान द्यायला येतात.

Tarak Mehta: तारक मेहता का उल्टा चष्माच्या ‘TMKOC क्लब हाऊस ॲप’वरील लाइव्ह क्विझच्या विजेत्याची घोषणा

‘तुमच्यासारख्या फालतू लोकांसाठी वेळ नाही’

जान्हवीने स्पष्ट सांगितलं की तिला या ट्रोलिंगचा काहीच फरक पडत नाही. ती म्हणाली, “तुम्हाला जे करायचंय ते करा. मी माझं आयुष्य आनंदाने जगतेय. देव माझ्या पाठीशी आहे. मी यशस्वी आहे. तुमच्या बोलण्याने मला काही फरक पडत नाही.” ती पुढे म्हणाली, “जेव्हा सार्वजनिक गणपतीचं विसर्जन असतं तेव्हा लोक देवासमोरच नाचतात ना? तेव्हा देवाकडे पाठ करूनच नाचतात ना? मग तेव्हा का नाही बोलत?” शेवटी ती म्हणाली, “तुमच्यासारख्या फालतू लोकांकडे बघायला माझ्याकडे वेळ नाही. माझ्यावर प्रेम करणारे खूप चाहते आहेत. मला माझा वेळ त्यांना द्यायला आवडेल. बाप्पाकडे प्रार्थना करेन की तुमच्यासारख्या लोकांना सद्बुद्धी देवो.”

See more

Vettuvam Movie: भूतकाळाचे पडसाद, वर्तमानाची धग आणि भविष्याची चाहूल; ‘वेट्टुवम’च्या विश्वाची पहिली झलक प्रदर्शित!

हा व्हिडिओ शेअर करताना तिने कॅप्शनमध्ये लिहिलंय की, “आता परत वाईट कमेंट्स येणार… म्हणून कमेंट सेक्शन ऑफ करतेय.” जान्हवीचा हा बिंदास्त अंदाज तिच्या चाहत्यांना खूप आवडला आहे. तिचं म्हणणं पण बरोबर आहे, सणाच्या वेळी आनंदाने नाचणं यात वाईट काय आहे? पण ट्रोलर्सना तर फक्त कारण लागतं. जान्हवीने मात्र त्यांना त्यांच्याच भाषेत उत्तर देऊन तोंड बंद केलं आहे..”