ओटीटी विश्वात धुमाकूळ घालणारी प्रेक्षकांची आवडती वेबसिरिज ‘मिर्झापूर 3’ (Mirzapur Season 3)बद्दल प्रेक्षकांमध्ये कमालीची उत्सुकता आहे. पहिल्या दोन सिझनला मिळालेल्या यशानंतर आणि प्रेक्षकांचा प्रतिसाद बघता तिसरा सिझनची घोषणा केली होती. तेव्हापासून प्रेक्षक मिर्झापूरच्या तिसऱ्या सिझनची आतुरतेने वाट पाहत आहेत. आता त्यांची प्रतिक्षा लवकरच संपणार असून आता तिसरा सीझन प्रेक्षकांच्या भेटीला येणार आहे. कारण ‘मिर्झापूर-3’ चा टीझर आज लाँच होणार आहे.
[read_also content=”तुम्हालाही WhatsApp ला स्टेटस ठेवायला आवडतं, मग व्हॉट्सॲप तुमच्यासाठी आणतयं नव फिचर! https://www.navarashtra.com/technology/whatsapp-user-can-share-soon-a-1-minute-video-in-status-update-nrps-516483.html”]
2018 मध्ये मिर्झापूरचा या वेबसीरिजचा पहिला सिझन रिलीज झाला होता. पहिल्या सिझनला प्रेक्षकांचा भरुभरुन प्रतिसाद मिळाला होता. त्यानंतर 2020 मध्येदुसरा सीझन लाँच झाला होता. प्रेक्षकांनी या सीझनलाही तुफान प्रतिसाद दिला होता. आता तिसरा सीझन प्रेक्षकांच्या भेटीला येणार आहे. आज ‘मिर्झापूर 3’ चा टीझर लाँच झाल्यानंतर आजच वेबसीरिजची रिलीज डेट आजच जाहीर होण्याची शक्यता आहे.
गुड्डू भैय्याची व्यक्तीरेखा साकारणारा अभिनेता अली फजल याचा व्हिडीओ चर्चेत आला. सोमवारी, त्याने एका व्हिडीओ सोशल मीडियावर पोस्ट केला. या पोस्टद्वारे अलीने ‘मिर्झापूर 3’शी संबंधित काही खास घोषणा करण्याचे संकेत दिले होते. व्हिडिओमध्ये, अली आरशात पाहत स्क्रिप्ट वाचतो आणि म्हणतो, ‘सुरुवातीला मी नाईलाजाने हे काम केले. पण, आता हे काम करण्यास आनंद वाट आहे. आता पुढे आणखी मज्जा येणार आहे. 19 मार्च रोजी सगळं काही होणार आहे, असे अली फजलने आपल्या व्हिडीओत म्हटले.
‘मिर्झापूर सीझन 3’ मध्ये पंकज त्रिपाठी, दिव्येंदू शर्मा, अली फजल, श्वेता त्रिपाठी, रसिका दुग्गल, ईशा तलवार आदींच्या मुख्य भूमिका आहेत.
.png "Videos"){kind=small}
