सिद्धार्थ मल्होत्रा त्याच्या बहुप्रतिक्षित ‘योद्धा’ चित्रपटामुळे बऱ्याच दिवसांपासून चर्चेत आहे. आता या चित्रपटाचे पोस्टर समोर आले आहे. चित्रपटाचे हे नवे पोस्टर अतिशय धमाकेदार पद्धतीने रिलीज करण्यात आले आहे.
सिद्धार्थ मल्होत्रा एखाद्या ‘योद्धा’प्रमाणे आकाशात लहरत आहे.
चित्रपटाचा नायक सिद्धार्थ मल्होत्राने त्याच्या इंस्टाग्राम अकाउंटवर याचा एक व्हिडिओ शेअर केला आहे. चित्रपटाचे पोस्टर कोणत्या बाजूने आकाशात रिलीज करण्यात आले आहे, हे व्हिडिओमध्ये दिसत आहे. या चित्रपटात दिशा पटानी आणि राशि खन्ना पहिल्यांदाच सिद्धार्थ मल्होत्रासोबत स्क्रीन शेअर करताना दिसणार आहेत.
या दिवशी चित्रपटाचा टीझर होणार प्रदर्शित
या नवीन पोस्टरसोबतच अभिनेत्याने चित्रपटाचा टीझरही जाहीर केला आहे. या चित्रपटाचा टीझर १९ फेब्रुवारीला प्रदर्शित होणार आहे. सिद्धार्थची ही पोस्ट चांगलीच व्हायरल होत आहे. पोस्टवर कमेंट्सचा महापूर आला आहे. या चित्रपटाबद्दल चाहते खूप उत्सुक असल्याचे दिसत आहे. हा चित्रपट १३ मार्च रोजी थिएटरमध्ये दाखल होणार आहे.
विमान हायजॅक करणाऱ्या दहशतवाद्यांशी लढणाऱ्या आणि विमानात उपस्थित असलेल्या सर्व प्रवाशांना सुखरूप परत आणणाऱ्या एका योद्ध्याची कथा या चित्रपटात दाखवण्यात आली आहे. या योद्ध्याच्या भूमिकेत सिद्धार्थ मल्होत्रा दिसणार असून तो एका सैनिकाच्या भूमिकेत दिसणार आहे. या चित्रपटापूर्वी सिद्धार्थने ‘शेरशाह’मध्ये सैनिकाची भूमिका साकारली होती.
.png "Videos"){kind=small}
