माधुरी दीक्षित यांनी निर्मित चित्रपटाचे टायटल साँग प्रदर्शित, ‘पंचक’ चित्रपट प्रेक्षकांच्या मनोरंजनासाठी सज्ज

या गाण्याच्या संदर्भात गाण्याबद्दल दिग्दर्शक राहुल आवटे म्हणाले की, ‘’हे गाणे पडद्यावर पाहाणे जितके धमाल दिसतेय. तितकेच ते चित्रीत करणे खरंच आव्हानात्मक होते.

Follow Us:

Follow Us:

पंचक चित्रपटाचे टायटल साँग : अभिनेत्री माधुरी दीक्षित नेने आणि डॉ. श्रीराम नेने यांनी निर्मित केलेला पंचक हा चित्रपटाच्या प्रेक्षकांचे मनोरंजन करण्यासाठी सज्ज झाला आहे. पंचक या चित्रपटाचा ट्रेलर काही दिवसांपूर्वीच प्रदर्शित झाला होता आणि या चित्रपटाच्या ट्रेलर प्रेक्षकांनी चांगलाच प्रतिसाद दिला आहे. सिनेरसिकांची या ट्रेलरला पसंती मिळत असतानाच आता या चित्रपटाचे टायटल साँग प्रेक्षकांच्या भेटीला आले आहे. एकम… द्वितीय… तृतीय… अशी आगळीवेगळी सुरूवात असणारे हे गंमतीशीर गाणे सुहास सावंत यांनी गायले असून गुरू ठाकूर यांचे शब्द लाभलेल्या या गाण्याला मंगेश धाकडे यांचे संगीत लाभले आहे. गाण्यामधील स्वर हे ऐकण्यासाठी श्रवणीय आहेत त्याचबरोबर ते गाणे पाहायलाही कमाल आणि मजेदार आहेत.

जयंत जठार आणि राहुल आवटे दिग्दर्शित या चित्रपटाचे नितीन प्रकाश वैद्य कार्यकारी निर्माते आहेत. आदिनाथ कोठारे, दिलीप प्रभावळकर, भारती आचरेकर, आनंद इंगळे, तेजश्री प्रधान, सतीश आळेकर, नंदिता पाटकर, सागर तळाशीकर, संपदा कुलकर्णी, आशिष कुलकर्णी, दिप्ती देवी, विद्याधर जोशी, आरती वडगबाळकर, गणेश मयेकर हे कलाकार या चित्रपटामध्ये प्रमुख भूमिकेत असणार आहेत .

 

View this post on Instagram

 

A post shared by Panchak The Film | पंचक (@panchakthefilm)

या गाण्याच्या संदर्भात गाण्याबद्दल दिग्दर्शक राहुल आवटे म्हणाले की, ‘’हे गाणे पडद्यावर पाहाणे जितके धमाल दिसतेय. तितकेच ते चित्रीत करणे खरंच आव्हानात्मक होते. चार कलाकार धावत आहेत आणि त्यांच्या मागे पाचवा कुत्रा धावत आहे. किती तरी वेळ कलाकारांच्या आणि कुत्र्याच्या धावण्यात मेळ साधला जात नव्हता. या गाण्याचे चित्रीकरण सलग दोन दिवस चालले. दोन दिवस हे कलाकार संपूर्ण गावभर पळत राहिले. हा सीन नैसर्गिक वाटावा, म्हणून ही सारी मेहनत होती. असे चित्रपट पडद्यावर पाहायला गंमतीदार दिसत असले तरी यामागे मेहनत खूप जास्त असते.’’

संगीतकार मंगेश धाकडे म्हणतात, ‘’ हे एक धमाल गाणे आहे. याचे काही भाग आधीच चित्रीत करण्यात आले होते. चित्रपटाचे जे वैशिष्ट्य आहे, ते गाण्यातूनही व्यक्त व्हावे, असे अपेक्षित होते. चित्रपटाच्या कथेची मजा गाण्यातही आणायची होती. आणि या गाण्यात या ओळी चपखल बसवण्यात आल्या. हे शब्द या परिस्थितीशी तंतोतंत जुळले आणि गाण्यात अधिकच रंगत आणली.’’

Web Title: Produced by madhuri dixit the title song of the film released panchak is all set to entertain the audience madhuri dixit nene and dr shri ram nene

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com