siddharth chandekar mother wedding photos
मराठी सिनेसृष्टीतील अभिनेता सिद्धार्थ चांदेकर (siddharth Chandekar) नेहमी वेगवेगळ्या कारणांमुळे चर्चेत असतो. मात्र यावेळी सिद्धार्थची चर्चा होण्याचं खास कारण आहे. सिद्धार्थने चक्क आपल्या आईचं म्हणजेच सीमा चांदेकर (Seema Chandekar) यांचं दुसरं लग्न लावलं आहे. सिद्धार्थने इन्स्टाग्रामवर पोस्ट करत याविषयीची माहिती दिली आहे. आईच्या लग्नाचा एक सुंदर फोटो त्याने शेअर केला आहे. (Siddharth Chandekar Mother Wedding)
या फोटोच्या कॅप्शनमध्ये सिद्धार्थने लिहिलं आहे की,“Happy Second Innings आई!
तुला पण एक जोडीदार हवा, तुझ्या मुलांव्यतिरिक्त एक आयुष्य हवं, तुझं एक स्वतंत्र सुंदर जग हवं, हे कधी लक्षातच नाही आलं गं माझ्या. किती ते एकटं एकटं रहायचं ? तू आत्तापर्यंत सगळ्यांचा विचार केलास, सगळ्यांसाठी पाय झिजवलेस. आता फक्त तुझा आणि तुझ्या नव्या जोडीदाराचा विचार कर. तुझी पोरं कायम तुझ्या पाठीशी आहेत. तू माझं लग्न थाटात लावलंस, आता मी तुझं लग्न लावतोय. माझ्या आयुष्यातलं अजून एक सुंदर लग्न. माझ्या आईचं!I love you आई! Happy Married Life❤️”
सिद्धार्थची बायको मिताली मयेकरनेही सासूच्या लग्नाचे फोटो शेअर करत खास पोस्ट लिहिली आहे. तिने लिहिलंय की,Happy married life सासूबाई!❤️माझ्या सासूचं लग्न! किती सूना हे म्हणू शकतात की मी माझ्या सासूच्या लग्नात हजर होते? खरंच मला अभिमान वाटते तुझा की हा एव्हढा मोठ्ठा निर्णय तू अगदी न डगमगता घेतलास. मला अभिमान वाटतो तुझ्या मुलाचा की तो सुद्धा खंबीरपणे तुझ्या पाठीशी उभा राहिला. आणि मला अभिमान वाटतो या एका अतिशय कमाल कुटुंबाचा एक भाग असण्याचा. आजवर तू आमच्या सगळ्यांसाठी सगळं अगदी मनापासून केलंस. पण आता स्वतःसाठी जगण्याची वेळ आलीये. अशीच कायम आनंदात राहा, हसत राहा. बाकी आम्ही मुलं तुझ्यासोबत आहोतच. तुला आणि नितिन काकांना खूप खूप शुभेच्छा आणि खूप खूप प्रेम.❤️”.
सिद्धार्थ आणि मितालीच्या या पोस्टचं सगळेजण कौतुक करतायत. सीमा चांदेकर आणि नितीन यांच्या लग्नासाठी सगळे जण शुभेच्छा देतायत.
.png "Videos"){kind=small}
