काय सांगताय! मेट गालातील सेलेब्रिटींनी चोरली उर्फी जावेदची स्टाईल, पाहून तुम्हीचं म्हणाल आपली उर्फीच बरी!!!

सोमवारपासून सुरू झालेल्या जगातील सर्वात मोठ्या फॅशन इव्हेंट मेट गालाचं (Met Gala 2024)

लोकांमध्ये फार क्रेझ आहेत. न्यूयॉर्कमधील मेट्रोपॉलिटन म्युझियम ऑफ आर्टमध्ये 6 मे पासून सुरू झालेल्या या कार्यक्रमात जगभरातील सेलेब्रिटिंनी आपली जादू दाखवली. यावेळच्या ‘द गार्डन ऑफ टाईम’ या थीमला साजेशे ड्रेसही त्यांनी परिधान केले होते. पण या सगळ्यामध्ये आपल्या अतरंगी स्टाईलसाठी प्रसिद्ध असलेली उर्फी अचानक चर्चते आली आहे. त्याचं कारण म्हणजे काही सेलिब्रिटिंनी रेड कार्पेटवर उर्फी जावेदचा (Urfi Jave) लुक चोरल्याची चर्चा होत आहे.

[read_also content=”ना आलिया, ना ईशा हैदराबादच्या ‘या’ अब्जाधीशाच्या पत्नीनं मेट गालामध्ये घातला सर्वात महागडा ड्रेस; अंबानीलाही देतेय टक्कर! https://www.navarashtra.com/movies/billionaire-wife-sudha-reddy-met-gala-look-of-worth-of-83-crore-dress-and-dimond-jewellery-nrps-530905.html”]

उर्फीचा फॅशन सेन्स सामान्य सेलिब्रिटींच्या सेन्सशी जुळत नाही. कुणाला कल्पनाही करता येणार नाही अशा आउटफिट्समध्ये ती दिसते. पण उर्फीचा लूक, स्टाइल आणि आउटफिट्स सगळ्यांच्याच लक्षात येतात आणि हे आता सिद्ध झालं आहे, कारण मेट गालामध्ये अनेर सेलेब्रिटींनी काही असे ड्रेस घातले होते ज्याची उर्फीनं आधीच स्टाईल करुन लाईक्स आणि कमेंट्स मिळवले होते.

सोशल मीडिया युजर्सच्या म्हणण्यानुसार, प्रसिद्ध मॉडेल अमेलिया ग्रे हॅमलिन आणि अमेरिकन रॅपर कार्डी बी यांनी उर्फीच्या आउटफिटची कॉपी केली आहे. त्यामुळे यूजर्स डिझायनरवर नाराज आहेत. जर तुम्हीही उर्फीचे हे ड्रेस पाहिले तर तुम्ही म्हणाल की उर्फीचा हा फॅशन सेन्स तिला मेट गालाची ऐन्ट्री मिळवून देऊ शकत होता.

अमेलिया ग्रे ने घातलेल्या लाइट-अप टेरेरियम ड्रेसची सध्या चर्चा आहे.  जे डिझायनर जून ताकाहाशीच्या स्प्रिंग 2024 कलेक्शनमधून घेतले आहे. या पिवळ्या ऑफ शोल्डर ड्रेसला अंडाकृती आकाराची काच जोडलेली आहे. ज्यावर पिवळ्या जाळ्याचे कापड आहे आणि आत गुलाबाची फुले आणि पाने आहेत. यावर तिने ओल्या केस मोकळे सोडून आणि न्यूड मेकअप करत लूक पूर्ण केला आहे. जांभळ्या गुलाबी शेडच्या लिपस्टिकने लूकला बोल्ड टच दिला. तिने सोनेरी अंगठ्या, कानातले, नेकपीस आणि हिल्स घातली आहे. पण तिचा लूक कितीही चांगला असला तरी उर्फीने हे आधीच केलाच आहे.

ग्रे हॅमलिनचा ड्रेस पाहिल्यानंतर उर्फी जावेदच्या फॅशन सेन्सवर प्रश्नचिन्ह उपस्थित करणारे ट्रोलर्स आश्चर्यचकित झाले आहेत. या आउटफिटमध्ये ज्यांनी उर्फीला आधीच ट्रोल केलं होतं ते आता ‘प्रत्येकजण आमची उर्फी कॉपी करत आहे’ अशी कमेंट करताना दिसत आहेत.

नेटीझन्स करत आहेत उर्फीचं कौतुक

अमेलिया ग्रे हॅमलिननं उर्फीसारखा ड्रेस घातल्यानंतर आता अनेकजण सोशल मीडियावर उर्फीचं कौतुक करत आहेत. एक युझर म्हणतोय की, उर्फीचं फॅशन सेन्स आंतरराष्ट्रीय स्तरावरच आहे. कुणी म्हणतयं की, उर्फीला मेट गालामध्ये बोलवायल हवं. तर कुणी म्हणतयं की, उर्फी ही खूप टॅलेंटेड आहे. ती या सगळ्या सेलेब्रिटीपेक्षा छान दिसत आहे.

See more

Web Title: Uorfi javed iconic look recreated at meta gala 2024 nrps

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com