शनिवार, 26 सप्टेंबर 2026
सकाळचा नाश्ता हा आपल्या आरोग्यासाठी फार महत्त्वाचा मानला जातो. नाश्त्याशी जोडलेल्या काही लहान-सहान चुका पुढे जाऊन आरोग्याच्या समस्यांना आमंत्रण देऊ शकतात. कामाच्या गडबडीत आजकाल अनेकजण नाश्ता स्किप करुन डायरेक्ट लंचकडे वळतात. परंतु तुमची ही चूक तुम्हाला पुढे जाऊन महागात पडू शकते. रात्रभर शरीर रिकामं असल्याने सकाळी त्याला नाश्त्याची गरज भासत असते. यामुळेच सकाळी नाश्ता करणे आणि तो वेळेत करणेही तितकेच महत्त्वाचे ठरते. आता नाश्त्याची ही वेळ नेमकी कोणती ते चला तज्ञांकडून जाणून घेऊया.
Breakfast Tips: सकाळी उठल्यानंतर किती वेळाने नाश्ता करायला हवा? तज्ज्ञांनी दिला सल्ला!
तज्ञांच्या मते, सकाळी उठल्यानंतर काही वेळाने लगेच नाश्ता करणे चांगले असते. यासाठी कोणता फिक्स नियम नाही. तथापि, सकाळी झोपेतून उठल्यानंतर साधरणत: दोन तासाच्या आत नाश्ता करणे योग्य ठरेल. खास करुन जर तुम्हाला भूक लागली असेल तर त्वरीत नाश्ता करा.
नाश्त्याची वेळ लक्षात ठेवणे का गरजेचे आहे याचे कारण म्हणजे आपल्या शरीरात २४ तासांचे घड्याळ चालत असते, ज्याला सर्केडियन रिदम असे म्हटले जाते. याचा परिणाम आपल्या झोपेवर, हार्मोन्सवर, पचनक्रियेवर आणि चयापचय क्रियेवर होत असतो.
रिसर्चनुसार, सकाळी वेळेत आणि लवकर नाश्ता केल्याने मेटाबॉलिक हेल्थवर याचा चांगला परिणाम होतो. म्हणजेच जर तुम्ही सकाळी ७ वाजता उठत असाल तर ८ किंवा ९ वाजता सकाळचा नाश्ता करणे योग्य ठरेल.
जर तुम्हाला फारशी भूक नसेल तर जबरदस्तीने लवकर नाश्ता करु नका. अशावेळी नाश्त्यात हलक्या पण हेल्दी पदार्थांचा तुम्ही समावेश करु शकता. आपल्या सकाळच्या नाश्त्यात प्रथिने, फायबर आणि हेल्दी फॅट्सचा समावेश असणे फार गरजेचे ठरते.
जर तुम्हाला फारशी भूक नसेल तर जबरदस्तीने लवकर नाश्ता करु नका. अशावेळी नाश्त्यात हलक्या पण हेल्दी पदार्थांचा तुम्ही समावेश करु शकता. आपल्या सकाळच्या नाश्त्यात प्रथिने, फायबर आणि हेल्दी फॅट्सचा समावेश असणे फार गरजेचे ठरते.
