फक्त सुगंधच नाही तर औषधी वनस्पतींचा खजिना आहे देसी गुलाब, पचनापासून मायग्रेनपर्यंतच्या अनेक समस्यांवर ठरते रामबाण उपाय

भारतीय गुलाबाच्या फुलाचे वनस्पतिशास्त्रीय नाव रोसा सेंटीफोलिया आहे. वेगवेगळ्या राज्यांमध्ये ते वेगवेगळ्या नावांनी ओळखले जाते. बाजारात गुलाबाचे अनेक प्रकार उपलब्ध आहेत, परंतु भारतीय गुलाबात सर्वात जास्त फायदेशीर गुणधर्म आढळून येतात.

गुलाबाच्या पानापासून बनवलेल्या गुलकंदाचे सेवन पोटात वाढलेली आग कमी करण्यास मदत करते. यामुळे अल्सरच्या वेदनांपासूनही आराम मिळतो. बद्धकोष्ठतेच्या वेळी गुलकंदाचे सेवन फायदेशीर ठरते.

तोंडातून दुर्गंध वास येत असेल किंवा घसा खवखवत असल्यास गुलाबाची पाने चावून खावीत किंवा गुलाबाच्या पाण्याने गुळण्या कराव्यात. यामुळे तोंडातील बॅक्टेरीया कमी होण्यास मदत होते.

गुलाबाचा वापर मायग्रेशनच्या त्रासातूनही मुक्ती देते. तसेच त्वचेच्या समस्या दूर करण्यासाठीही गुलाबाची मदत होते. गुलाबाची पाने चिमूटभर कच्च्या हळदीसह बारीक करा आणि एक चमचा दूध घाला. तयार केलेली पेस्ट तुमच्या चेहऱ्यावर लावल्याने डाग कमी होतात आणि तुमचा रंग उजळतो.

मायग्रेशनसाठी देसी गुलाब तेलाचा वापर करा. यामुळे डोकेदुखी दूर होते. यासाठी गरम पाण्यात गुलाब तेलाचे काही थेंब घालून वाफ घ्या. यामुळे डोकेदुखीच्या समस्येपासून आराम मिळतो.