Truth About Papaya: पपई खाल्ल्याने खरंच गर्भपात होतो का? जाणून घ्या यामागील योग्य शास्त्रीय माहिती

कच्च्या किंवा अर्धवट पिकलेल्या पपईमध्ये लेटेक्स आणि पपेनचे प्रमाण खूप जास्त असते. यामुळे गर्भाशयाचे आकुंचन वाढवून गर्भपताचा धोका निर्माण होण्याची शक्यता असते.

पूर्ण पिकलेल्या पपईमध्ये लेटेक्स्टचे प्रमाण खूप कमी असते, तर विटामिन ए, सी फायबर्स आणि अँटीऑक्सिडेंट्स इत्यादी अनेक घटक आढळून येतात.

पपई खाल्ल्यामुळे पचनक्रिया सुधारते आणि आतड्यांमध्ये जमा झालेली घाण बाहेर पडून जाते. रोगप्रतिकारशक्ती वाढवण्यासाठी पपईचे सेवन करण्याचा सल्ला दिला जातो.

पिकलेली पपई खाल्ल्यामुळे गर्भपात झाल्याचा कोणताही ठोस वैज्ञानिक पुरावा नाही. गर्भपात होण्यास कारणीभूत ठरणारे घटक कच्च्या पपईमध्ये किंवा अर्धवट पिकलेल्या पपईमध्ये असतात.

योग्य प्रमाणात पिकलेली पपई खाल्ल्यास गर्भपाताचा कोणताही धोका नसतो. केवळ कच्च्या पपईमधील लेटेक्स गर्भपात होण्यास कारणीभूत आहे.