सध्याच्या काळात लॅपटॉप प्रत्येकाची गरज बनली आहे. ऑफीसच्या कामांपासून शाळेतील असाईंमेंटपर्यंत अनेक कामं लॅपटॉपवर अगदी सहज पूर्ण केली जातात. सध्या लॅपटॉपच्या किंमती प्रचंड आहेत, त्यामुळे एकदा खरेदी केलेला लॅपटॉप अनेक वर्ष वापरता यावा, यासाठी लोकं प्रयत्न करतात. तुम्हाला वर्षानुवर्षे एकच लॅपटॉप वापरायचा असेल तर त्याची काळजी घेणं तितकंच महत्त्वाचं आहे. लॅपटॉपची स्क्रीन कशी स्वच्छ करावी, याबाबत आता आम्ही तुम्हाला सांगणार आहोत. (फोटो सौजन्य – Pinterest)
Tech Tips: लॅपटॉपची स्क्रीन साफ करताना अशी घ्या काळजी, अन्यथा होईल मोठं नुकसान
तुमच्या लॅपटॉपची स्क्रीन कधीही पेपर टॉवेल किंवा टिश्यूने स्वच्छ करू नका.
तसेच लॅपटॉपची स्क्रीन स्वच्छ करताना अल्कोहोल आणि अमोनिया-आधारित क्लीनरचा वापर करणं टाळा, कारण ते संरक्षक थर खराब करू शकतात.
त्याचप्रमाणे, साफसफाई करताना थेट स्क्रीनवर द्रव फवारणे टाळा. हे द्रव कडांमध्ये प्रवेश करू शकते आणि स्क्रीनच्या अंतर्गत घटकांपर्यंत पोहोचू शकते, ज्यामुळे त्यांना नुकसान होऊ शकते.
लॅपटॉप बंद करताना, स्क्रीन आणि कीबोर्डमध्ये एक अतिशय पातळ मायक्रोफायबर कापड ठेवा. जर तुम्हाला लॅपटॉप जास्त काळ वापरायचा नसेल, तर तो केसमध्ये झाकून ठेवा.
लॅपटॉपजवळ काहीही खाणे किंवा पिणे टाळा. बोटांचे ठसे टाळण्यासाठी स्क्रीनला वारंवार स्पर्श करणे टाळा. अशा पद्धतीने तुम्ही तुमच्या लॅपटॉपची काळजी घेऊ शकता.
