शुक्रवार, 13 नोव्हेंबर 2026
सध्या अँटीव्हायरसचा फार कमी झाला आहे. कारण सर्वात जास्त वापरल्या जाणाऱ्या विंडोज सिस्टममध्ये डिफेंडर येते, ज्यामुळे लोकांना इतर अँटीव्हायरसची गरज भासत नाही. मात्र अजूनही काही लोक अँटीव्हायरसचा वापर करतात. पण अँटीव्हायरस वापरण खरंच गरेजचं आहे का? अँटीव्हायरस वापरणं आपल्यासाठी गरजेचं आहे की नाही हे आपल्या संगणकाच्या किंवा गॅझेटच्या वापर पध्दतीवर अवलंबून असतं. अँटीव्हायरस वापरणे काही परिस्थितींमध्ये महत्त्वाचे ठरू शकते. तर काही वेळा अँटीव्हायरस वापरण्याची गरज भासत नाही.
Antivirus Tips: अँटीव्हायरस वापरणं खरंच गरजेचं आहे का? जाणून घ्या सविस्तर
अँटीव्हायरस सॉफ्टवेअर तुमच्या संगणकाला किंवा गॅझेटला व्हायरस, ट्रोजन, रॅन्समवेअर आणि इतर मालवेअरपासून सुरक्षित ठेवण्यास मदत करते.
अँटीव्हायरस सॉफ्टवेअरमुळे तुमच्या डाटाचे फिशिंग हल्ले, स्पायवेअर आणि कीलॉगरसारख्या सायबर हल्ल्यांपासून संरक्षण केलं जातं.
अँटीव्हायरस सॉफ्टवेअर तुम्हाला वेब ब्राउझिंग, ईमेल अटॅचमेंट आणि डाउनलोड केलेल्या फायलींशी संबंधित धोक्यांपासून रिअल-टाइम संरक्षण प्रदान करते.
मात्र विंडोज सिस्टममध्ये असणाऱ्या डिफेंडरमुळे अँटीव्हायरस सॉफ्टवेअरचा वापर मोठ्या प्रमाणात कमी झाला आहे. Windows 10/11, MacOS आणि Linux सारख्या आधुनिक ऑपरेटिंग सिस्टममध्ये अंगभूत सुरक्षा वैशिष्ट्ये आहेत जी मूलभूत स्तरावर अँटीव्हायरसशिवाय देखील तुमचे संरक्षण करू शकतात.
तुम्ही सुरक्षित वेबसाइट वापरत असल्यास, अज्ञात ईमेल अटॅचमेंट ओपन केली जात नसेल तर तुम्हाला अँटीव्हायरस सॉफ्टवेअरची गरज भासणार नाही. पण तुम्ही संशयास्पद साइटला भेट देत असाल तर तुम्हाला अँटीव्हायरस सॉफ्टवेअर वापरणं गरजेचं आहे.
तुम्ही नियमितपणे इंटरनेट वापरत असल्यास, अनोळखी फाइल्स किंवा वेबसाइट्सच्या संपर्कात असल्यास अँटीव्हायरस सॉफ्टवेअर आवश्यक आहे. ज्यामुळे तुमच्या डिव्हाईसमधील डेटाचे संरक्षण केले जाईल.
