बँक खात्यात थेट जमा होणार 3 हजार रुपये! ‘लाडकी बहीण’ नंतर आजी-आजोबांसाठी खास योजना

सामाजिक न्याय विशेष सहाय्य विभागाकडून ज्येष्ठ नागरिकांसाठी मुख्यमंत्री वयोश्री योजना सुरु करण्यात आली आहे. या योजनेचा लाभ घेण्यासाठी 65 किंवा अधिकची वयोमर्यादा ठेवण्यात आली आहे

ज्येष्ठ नागरिकांना त्यांच्या दैनंदिन जीवनात लागणाऱ्या वस्तू खरेदी करण्यासाठी तसेच त्यांना भेडसावणाऱ्या अपंगत्व आणि दुर्बलतेवर उपाययोजना करण्यासाठी आवश्यक साहित्य यामाध्यमातून पुरवले जाते

या योजनेअंतर्गत पात्र लाभार्त्यांना त्यांच्या बँक खात्यात एकरकमी 3 हजार रुपये पाठवले जातात. या योजनेसाठी 2024-2025 या वर्षासाठी ऑफलाइन अर्ज स्वीकारण्याची प्रक्रिया सुरू आहे

या योजनेचा लाभ घेण्यासाठी अर्जदारांचे वार्षिक उत्पन्न 2 लाख रुपयांच्या आत असणे गरजेचे आहे. तसेच तो राज्याचा राहवासी असणे आवश्यक आहे. या योजनेअंतर्गत लाभार्थ्यांना चष्मा, ट्रायपॉड, फोल्डिंग वॉकर, कंबर बेल्ट, स्टिक व्हीलचेअर, सर्व्हायकल कॉलर, कमोड चेअर, गुडघ्याचे ब्रेस, श्रवणयंत्र इ .वस्तू पुरवल्या जातात

वायोश्री योजनेचा अर्ज भरण्यासाठी अर्जदारांना आधार कार्ड, मतदान कार्ड, राष्ट्रीयीकृत बँकेचे पासबुक, 2 पासपोर्ट आकाराचे फोटो, उत्पन्नाचा पुरावा, स्वत: घोषित ओळखपत्र यासह इतर कागदपत्रे लागतील