‘शिवा’ फेम अभिनेता लवकरच अडकणार लग्नबंधनात! पार पडलं पहिलं केळवण, होणारी बायको आहे तरी कोण?

'येऊ तशी कशी मी नांदायला' मालिकेतून अभिनेता शाल्व किंजवडेकर महाराष्ट्रातल्या घराघरात पोहोचला. मालिकेतील ओमकारच्या भूमिकेने त्याला लोकप्रियता मिळवून दिली. अभिनयाबरोबरच शाल्व त्याच्या वैयक्तिक आयुष्यामुळेही चर्चेत असतो.

शाल्वच्या घरी त्याची लगीनघाई सुरू आहे. नुकतेच अभिनेत्याने केळवणाचे फोटो इन्स्टाग्रामवर शेअर केले आहेत. दरम्यान तो लवकरच विवाहबंधनात अडकणार आहे. शाल्व आणि त्याची गर्लफ्रेंड श्रेया डफलापूरकरने २०२३ मध्ये साखरपुडा आटोपला होता.

साखरपुड्यापासून त्याच्या लग्नाची जोरदार चर्चा सुरू आहे. गेल्या काही दिवसांपूर्वीच त्याच्या घरी लग्नाच्या मुहूर्ताचाही कार्यक्रम पार पडला होता. आता अशातच केळवणाला सुरुवात झाली असून लवकरच हे कपल लग्नबंधनात अडकणार, हे पक्क झालं आहे.

शाल्वने आणि श्रेयाने अद्याप लग्नाची तारीख जाहीर केली नसून चाहते यांच्या लग्नाची वाट पाहत आहेत. पाच वर्षांच्या रिलेशनशीपनंतर आता हे दोघे लग्न करणार आहेत. या दोघांच्या जोडी त्यांच्या चाहत्यांना आवडते.

गेल्या काही वर्षांपासून शाल्व आणि श्रेया रिलेशनशिपमध्ये आहेत. अनेकदा ते एकमेकांबरोबरचे फोटो सोशल मीडियावर शेअर करत प्रेम व्यक्त करताना दिसतात.

शाल्वची होणारी बायको श्रेया ही स्टायलिस्ट असून ती तलम, तलम ऍक्सेसरीज आणि हाऊस ऑफ तक्षी या ब्रँड्सची मालक आहे. ती बँड्सच्या अंतर्गत साड्या, दागिने आणि मुलांसाठीचे कपडे डिझाईन करते. आजवर अनेक सेलिब्रिटीजच्या लग्नातील आऊटफिटचं स्टायलिंग श्रेयाने केलं आहे.