AIMIM sahar shaikh : ‘कैसा हराया’ फेम सहर शेखचं नगरसेवकपद धोक्यात; घरी बसण्याची येणार नामुष्की?

AIMIM sahar shaikh : निवडणुकीनंतर कैसे हराया असे म्हणत चर्चेत आलेल्या सहर शेख वादाच्या भोवऱ्यात अडकल्या आहेत. त्यांनी खोटी प्रमाणपत्रे दिली असल्याचा आरोप करण्यात आला.

• एमआयएम नगरसेविका सहर शेख वादाच्या भोवऱ्यात
• कैसे हराया फेम सहर शेखने केली प्रशासनाची फसवणूक
• नगरसेविका शेख विरोधात तक्रार दाखल

Maharashtra Politics : मुंबई : दोन महिन्यापूर्वी मोठ्या उत्साहात महानगर पालिकेच्या निवडणुका पार पडल्या. यामध्ये महायुतीने बाजी मारली असून तरी मुंब्रा मधील एक महिला नेत्या जोरदार चर्चेत आली. मुंब्रा परिसरातील प्रभाग क्रमांक 30 सर्वाधिक चर्चेत राहिला. या प्रभागातून एमआयएमच्या (AIMIM) उमेदवार सहर शेख यांच्या विजयाची चर्चा फक्त मुंबईत नाही तर संपूर्ण महाराष्ट्रामध्ये झाली. विजयानंतर आनंद साजरा करताना नगरसेवक सहर शेख यांनी ‘कैसे हराया’चा नारा दिला आणि सोशल मीडियाच्या दुनियेत त्या लोकप्रिय झाल्या. मात्र आता याच सहर शेख यांचं नगरसेवक पद धोक्यात आले आहे.

एमआयएम नगरसेविका सहर शेख यांनी एक डायलॉग बोलल्याने त्या रातोरात चर्चेत आल्या. मात्र निवडणुकीच्या काळामध्ये त्यांनी अधिकाऱ्यांची दिशाभूल केली असल्याचा आरोप करण्यात येत आहे. सहर शेख यांनी बनावट जातीचा दाखला मिळविल्याची तक्रार करण्यात आली आहे. सहर शेखने मुंबई शहर जिल्हाधिकारी कार्यालयातून जात प्रमाणपत्र घेतले. निवडणूक लढविताना चार महत्त्वाच्या शासकीय यंत्रणांची दिशाभूल केली असल्याने सहर शेख यांच्या नगरसेवक पदावर टांगती तलवार आली आहे.

हे देखील वाचा : BJPचे स्वप्न भंगले, मावळमध्ये APMC समिती झाली बरखास्त; प्रशासकाची नियुक्ती

ठाणे महापालिकेमध्ये एमआयएम पक्षाच्या नगरसेविका असलेल्या सहर शेख वादाच्या भोवऱ्यात अडकल्या आहेत. त्यांच्याविरोधात बोगस जात प्रमाणपत्र दाखला सादर करून निवडणूक लढवल्याची तक्रार प्राप्त झाली आहे. सहर शेख यांनी बनावट कागदपत्राचे आधारे शासनाची फसवणूक केल्याची तक्रार करून सदर प्रकरणाची सखोल चौकशी करून फसवणुकीचा गुन्हा दाखल करण्याची तक्रारदाराची मागणी आहे. सहर शेख यांनी निवडणूक यंत्रणा आणि प्रशासनाची दिशाभूल केल्याचा तक्रारदाराचा आरोप आहे.

हे देखील वाचा : पोटनिवडणुकीच्या प्रचाराने पवार कुटुंब एकत्र येणार? सुनेत्रा काकींच्या प्रचारासाठी रोहित पवार उतरले मैदानात

उत्तर प्रदेशातील गाजियाबादची मूळ रहिवासी युनूस इक्बाल शेख यांनी महाराष्ट्रात स्थलांतर केले. इतर मागास प्रवर्गासाठीचा नमुना 8 वापरून अधिकाऱ्यांची दिशाभूल करून महाराष्ट्रातील बनावट जातीचा दाखला मिळवला. त्यांची मुलगी सहर शेख यांनी मुंबई शहर जिल्हाधिकारी कार्यालयातून जात प्रमाणपत्र घेतले आणि त्यानंतर ठाणे महापालिका निवडणुकीत एमआयएम पक्षाकडून निवडणूक लढवून विजयी झाल्या.