Pawan Khera Devendra Fadnavis Post, Devendra Fadnavis, Yogi Adityanath, Maharashtra Politics
पवन खेरा (Pawan Khera) यांनी सोशल मीडियाच्या माध्यमातून या घडामोडींना थेट पंतप्रधानपदाच्या महत्त्वाकांक्षेशी जोडत भाजप नेत्यांवर निशाणा साधला आहे. पवन खेरा यांनी सोशल मीडियावर, फडणवीस यांची नजर पंतप्रधान नरेंद्र मोदी यांच्या खुर्चीवर आहे.”योगीजी, तुमचे लक्ष कुठे आहे? फडणवीस यांची नजर दिल्लीच्या जागेवर आहे.” असं म्हणत त्यांनी योगी आदित्यनाथांनाही टॅग केलं आहे.
पवन खेरा यांनी त्यांच्या पोस्टमध्ये दोन घटनांचा उल्लेख केला. पहिली, महाराष्ट्र सरकारने एफएसएसएआय (FSSAI) विरोधात मुंबई उच्च न्यायालयात दाखल केलेली याचिका, आणि दुसरी, आंतरराष्ट्रीय विमानसेवा नवी मुंबई विमानतळावर स्थलांतरित करण्याच्या योजनेला मुख्यमंत्री फडणवीस यांनी केलेला विरोध.
एकाच आठवड्यात केंद्र सरकार आणि त्यांच्या मर्जीतील उद्योगपतींना आव्हान देणे हे मोठ्या राजकीय महत्त्वाकांक्षेचे लक्षण आहे. मात्र, यांनी फडणवीस यांच्या पंतप्रधानपदाच्या उमेदवारीबाबत कोणताही ठोस पुरावा दिला नाही.
Pratap Sarnaik: नोकरीचे आमिष दाखवून बेरोजगार तरुणांकडून पैसे उकळले? एसटी भरतीतील गैरप्रकारांची
मुंबई विमानतळाचे संचालन करणाऱ्या मुंबई इंटरनॅशनल एअरपोर्ट लिमिटेड (MIAL) या कंपनीने मार्च २०२७ पासून १४ आंतरराष्ट्रीय शहरांमधील विमानसेवा नवी मुंबई विमानतळावर स्थलांतरित करण्याचा प्रस्ताव दिला होता. यामध्ये दोहा, जेद्दाह, ढाका, काठमांडू, मस्कत, रियाध आणि कुवेत सिटी यांसारख्या शहरांचा समावेश होता.
मात्र, मुख्यमंत्री देवेंद्र फडणवीस यांनी मुंबई विमानतळावरील एकही विमानसेवा स्थलांतरित करू नये, अशी भूमिका मांडली. यासंदर्भात त्यांनी केंद्रीय नागरी हवाई वाहतूक मंत्र्यांना पत्र लिहून पर्यायी योजना सुचवली.
फडणवीस यांच्या प्रस्तावानुसार, प्रथम टर्मिनल 1B विकसित करावे. त्यानंतर टर्मिनल 1A मधील कामकाज नव्या टर्मिनलमध्ये स्थलांतरित करावे आणि सध्याचे टर्मिनल पाडून त्याचा पुनर्विकास करावा. यामुळे विमानतळाचे नियमित कामकाज सुरू ठेवून पुनर्विकास करता येईल, अशी भूमिका त्यांनी मांडली.
Youth Olympics : यूथ ऑलिम्पिकमध्ये भारताचा पहिला बॉक्सिंग गोल्ड! अंबेकर मीतेईचा ऐतिहासिक ‘गोल्डन पंच
दुसरीकडे, अन्न सुरक्षा नियमांवरून महाराष्ट्र सरकार आणि केंद्र सरकार यांच्यात कायदेशीर वाद निर्माण झाला होता. अन्न व्यवसायांसाठी परवाने देणे आणि तपासणी करणे यासंदर्भात केंद्र सरकारने समांतर अधिकार निर्माण करून राज्याच्या अधिकारक्षेत्रात हस्तक्षेप केल्याचा आरोप महाराष्ट्र सरकारने केला होता. या प्रकरणी राज्य सरकारने भारतीय अन्न सुरक्षा आणि मानक प्राधिकरण (FSSAI) तसेच केंद्रीय आरोग्य मंत्रालयाविरोधात मुंबई उच्च न्यायालयात याचिका दाखल केली होती.
मात्र, १३ नोव्हेंबर रोजी या प्रकरणात नवी घडामोड समोर आली. महाराष्ट्राच्या अन्न व औषध प्रशासन विभागाने केंद्र सरकारसोबत चर्चा करून हा वाद सोडवण्याच्या दिशेने पाऊल उचलले आहे. त्यानुसार, उच्च न्यायालयात दाखल केलेली याचिका मागे घेण्याचा निर्णय घेण्यात आला असून, यासंदर्भात राज्याच्या महाधिवक्त्यांना पत्र पाठवण्यात आल्याची माहिती आहे.
मुंबई विमानतळाचा प्रश्न आणि FSSAI प्रकरणातील राज्य सरकारची भूमिका या दोन्ही घटनांचा संदर्भ देत काँग्रेस नेते पवन खेरा यांनी मुख्यमंत्री देवेंद्र फडणवीस यांच्यावर टीका केली आहे. त्यांच्या मते, या दोन्ही प्रकरणांमध्ये फडणवीस यांची भूमिका केंद्र सरकारच्या भूमिकेपेक्षा वेगळी असल्याचे दिसते. खेरा यांच्या या टीकेनंतर फडणवीस यांच्या राजकीय भूमिकेबाबत आणि त्यांच्या महत्त्वाकांक्षेबाबतही चर्चा सुरू झाली आहे. मात्र, पवन खेरा यांच्या आरोपांवर मुख्यमंत्री देवेंद्र फडणवीस यांनी काय प्रतिक्रिया दिली, याबाबत अद्याप स्पष्ट माहिती समोर आलेली नाही.
Ans: पवन खेरा यांनी सोशल मीडियावर पोस्ट करत फडणवीस यांची नजर पंतप्रधान नरेंद्र मोदी यांच्या खुर्चीवर असल्याचा दावा केला आणि उत्तर प्रदेशचे मुख्यमंत्री योगी आदित्यनाथ यांना टॅग करत याकडे लक्ष वेधले.
Ans: महाराष्ट्र सरकारने एफएसएसएआय (FSSAI) विरोधात मुंबई उच्च न्यायालयात दाखल केलेली याचिका आणि आंतरराष्ट्रीय विमानसेवा नवी मुंबई विमानतळावर स्थलांतरित करण्यास मुख्यमंत्री फडणवीस यांनी केलेला विरोध, या दोन घटनांचा त्यांनी उल्लेख केला आहे.
Ans: नाही, पवन खेरा यांनी फडणवीस यांच्या पंतप्रधानपदाच्या संभाव्य उमेदवारीबाबत राजकीय भाष्य केले असले, तरी त्याबाबत कोणताही ठोस पुरावा दिलेला नाही.
.png "Videos"){kind=small}
